أرويني بدماء جحيمك [Quench me with the blood of your hell]

𝑃𝐴𝑅𝑇❀72

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـوَى🫀

  ♡لَــوْ ذقـــت يا غزالــي،ما ذُقْـتُ في هَـــواك♡ 

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀72

القرطاس كي تشاير، الصراخ كي تعالى و كل واحد فين هربان، ناضت الروينة و تحول الزفاف لساحة حرب، الحراس و ناجد ما كانوش كي تيريو فالناس طبعا،لكن ركزو على الطبالي ديال الضيوف و الطبلة الطويلة لي فيها وجدان،هاد الاخيرة لي بقات جالسة بصمود عيونها عليه هو فقط لدرجة ما رمشاتش،حتى كاتحس بماكسيل شدها من دراعها و نطق بخوف...

ماكسيل: هبطي هبطي...

وجدان حدرات عيونها لعندو لقاتو مخبي تحت الطبلة،شوية وجهاتهم للعدول لقاتو ما كاينش هرب، حالو حال گاع الحضور الا أم و اب ماكسيل لي حتى هما مخبيين تحت الطبلة معاه بحكم كانو جالسين حداهم...

الأم(كاترعد): اش واقع؟

الأب(هز تيليفونو): غادي نعيط للبو...(قفز لايح الهاتف ملي قرطاسة تقباث الطبلة)

الام(حطات يديها على قلبها مخلوعة): غادي نمو تو(بدات كاتبكي) فعرس ولدنا غادي نمو تو...

ماكسيل(بحدة): هبطي تخباي ا وجدان، غاتجي فيك شي قرطاسة...

وجدان(هزات راسها فناجد و نطقات بثقة): ما يقدرش...

ناجد(كي حقق فيها من خلال المنظار ديال السلاح، بتاسم بسخرية و قال بأمر): حبسو...

سيطر الصمت على المكان من غير صوت الهليكوبتر، هاد الاخيرة لي هبطات للأرض من بعد ما ناجد أمر البيلوط ديالها،و غير تحطات گاع دوك الطبالي بداو كي تطايرو بسبب الرياح الكثيرة لي سبباتها الهليكوبتر، في حين الحراس هبطو و حاوطو المكان، أما ناجد تبعهم لكن وقف بعيد على وجدان كي شوفيها و هو راسم على ثغرو ابتسامة مُتهكمة..

ناجد(بنبرة خشنة): طرتي حتى عييتي فاللخر عطيتي كـ. رك لزا م ل؟

وجدان(وقفات بفستانها الطويل و تقدمات امام الطاولة):علاش هادشي كامل؟ بأش من حق تهجم على عرسي؟ 

ناجد بان ليه الاب بغا يخرج من تحت الطبلة و هو يتيري حداه فالارض حتى قفز و رجع تحت صراخ الأم...

الأم(بعتاب و دموعها سيالة): ما تخرجش ما تخرجش...

ماكسيل(زفر بغضب): شكون هادا لي كي دوي معاها(حدر راسو بشوية كي طل عليه و غير شافو وسع عينيه بدهشة) ناجد؟