أرويني بدماء جحيمك [Quench me with the blood of your hell]

𝑃𝐴𝑅𝑇❀98

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀98

ليليان غير شافت الرسمة بدات كاتحنحن و كاتشوف فليسا لي كاتبكي من نيتها و صوت بكاءها كي تردد فالغرفة كأنه بكاء طفلة صغيرة،و العقرب جالس حداها وجهو مزنگ بسبب الضحك لي حابسو ، حتى كي بغي يطلق الضحكة و كاتغمزو ليليان بكوع يديها و كي سكت...

أما ناجد بقا غير كي دور فعينيه و كي شوف فزين لي واقف كي خنزر فيه و كي رجع يشوف فليسا لي كاتبكي،لحظات و نطق بتساؤل مغلف بحيرة...

ناجد: مالك؟ علاش كاتبكي؟واش لهاد الدرجة عجباتك...

مباشرة من بعد ما نطق بهاد الكلام تسمعات الضحكة ديال العقرب لي ما بقاش قادر يحبسها،تبعو صوت بكاء ليسا لي زادت فالوثيرة ديالو ملي سمعاتو اش قال،مشا بالها بعيد و حساب ليها شاد فيها و كي طنز على بنتها...

زين(بلكنة غاضبة نطق):خرج تقو د...

ناجد(شافيه و بلع ريقو برعب):لا ما تقولش ليا قو دتها ثاني...

زين(بملامح عابسة قرب ليه): مبكيها البارح و راجع اليوم بوجهك حمر باش تعاود تبكيها ثاني...(وصل لعندو و هبط عليه بدقة لراسو) واش هرب ليك و لا مال عدو ربك؟

ناجد(حط يديه على راسو و عينيه موسعهم على الاخر): و الله ما قصدت...(خسر سيفتو بإنفعال) ناري ما غايتيقوش بيا..(شاف فليسا لي مازال كاتبكي) وا الله يهديك حتى نتي...

زين(دفعو): خرج فحالك و عطيها التيساع...(ناجد بغا يمشي لعند ليسا و عاود دفعو زين) خرج ا ز بي ما تخلينيش نسعر...

ناجد(بغضب): وا غا ريح ندوي معاها ا ز بي...راها ختي هاديك...

زين(شدو من كول التيشيرت ديالو و جرو معاه): ختك و مبكيها جوج د المرات؟(نزل عليه بدقة لنفس البلاصة) و بنتي الحيماري...بنتي هاكدا دايرا؟(دفعو برا الغرفة)

ناجد(شد اللوحة بيد و باليد الثانية بدا كي قاد فحوايجو):واخا خليني ندوي معاها...

زين(بحدة): لا...(سد عليه الباب)

ناجد(بعصبية ضر ب الباب برجليه): وا تقو دو كاملكم....هاد العائلة ما تستاهلش واحد بحال...(سكت راجع باللور ملي تحل الباب و خرج منو زين)