أرويني بدماء جحيمك [Quench me with the blood of your hell]

𝑃𝐴𝑅𝑇❀121

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀121

لمياء غير سمعات صوتها و كلامها، تزنگ وجهها و حسات بالحرارة طلعات معاها، لحظات و زاد عطاها سبب اخر باش تتعصب كثر ملي حلات فمها بغات تسولو و هو يقطع عليها، زيرات على تيليفونها و ناضت كاتدور فعيونها على ديك الغرفة كاتلقا البنات ملهيين كي وجدو رويسهم باش يهبطو للتحت حتى بان ليها واحد الشرجم و هي تمشي ليه كاتجري هازة قفطانها باش ما يعكلهاش...

ساجد من ورا ما قطع عليها خشا تيليفونو فجيبو و ركز انظارو على أليس لي واقفة بثبات كاتناظرو بعيونها الزرقاء مع ابتسامة ساحرة مرسومة على شفايفها، في حين هو بقا ساكت لثواني كي طلع و يهبط فيها عاد نطق بصوت رخيم...

{الحوار بالايطالية}

ساجد: غبرة غبرتيها...

أليس(بصوت انثوي قالت):واعدتك غادي ندير كل ما فجهدي باش نرجع دغيا، واخا غبرت كثر من 4 سنين و لكن حاولت نرجع بكري...

ساجد: فهاد 4 سنين راني خرجت من المافيا و عاودت رجعت..

أليس(ضحكات برزانة): عارفة طبعا...گاع اخبار المافيا كانو كي وصلوني...

ساجد(حرك راسو ناطق بتساؤل):راك بخير بعدا؟

أليس: بخير(ميلات راسها مرجعة شعرها للجنب) خاصة من بعد ما شفتك...(طلعاتو و هبطاتو بحب) و كيف ما توقعت...دياڤولو هو دياڤولو...نفس الهيبة نفس الكاريزما...

ساجد بتاسم ليها لثانية من الوقت و جمعها بالخف قبل ما يدور وجهو للجنب كي شوف فزين لي كي ستقبل الضيوف و مرة مرة عيونو كي مشيو عند ساجد و أليس، و غير جاو عيونهم فبعضياتهم و هما يضحكو...

ساجد(جمع ضحكتو و كحب قبل ما يشوف فأليس لي مازال مبتاسمة ناطق بنبرة هادئة): دخلي...

أليس(بتساؤل): و نتا؟

ساجد: شوية و ندخل...

أليس حركات ليه راسها و تخطاتو كاتمايل بجسدها بطريقة أنثوية جذبات بيها انظار الرجال لي تما، بان ليها زين واقف حدا المدخل و وقفات قدامو مادة ليه يديها...