أرويني بدماء جحيمك [Quench me with the blood of your hell]

𝑃𝐴𝑅𝑇❀106

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀106

راسيل و فاروق حتى هما جاو عندهم كي جريو و شدو فبعضياتهم كي نقزو فرحانين، زكية و شهيدة من بعد ما سمعو الحيحة لي نايضة لاحو عليهم شيلانهم و خرجو كي تفرجو فيهم و يصفقو بيديهم، في حين غزال تبعاتهم و غير شافت لمياء كاتشطح مع ناجد بتاسمات بإستمتاع و تسندات بظهرها على الحيط كاتسنا فشنو غادي يوقع...

غزال: الله اخيرا غانتهنا من الملل...

ناجد شد فلمياء و بقاو كي شطحو بجوج مخليين وجدان الفوق واقفة كاتشوف فناجد كي شطح و فالدقايقية كي غنيو ما فهمات والو، بقات عاقدة حواجبها و مربعة يديها، اما ليسا وقفات بين دوك الجوج و بقات كاتحير بشعرها و هما كي صفقو ليها...

ناجد: هانا على الشينوية...

ساجد و زين جايين من بعيد كي تمشاو بثبات و عيونهم على القصارة لي نايضة جنب القصر، زين بانت ليه ليسا كاتحير و هو يعقد حواجبو معصب في حين ساجد ملامحو باردة تماما و عينيه على دوك الدقايقية لي هازين ريوسهم لعند البالكون و كي شوفو فوجدان بما انها هي المقصودة من هادشي كامل، حتى عطاهم ناجد اشارة باش يحبسو و هو يهز فيها راسو و نطق كي نهج...

ناجد: هاني جيت طالب راغب فيديك....

جبد خاتم ألماسي محاط بجواهر نادرة و غير من شكلو باين بلي ثمين، جلس على ركبة و هز الخاتم للفوق قبل ما يقول تحت أنظار الجميع...

ناجد: تقبلي تزوجي بيا؟ 

وجدان وسعات عيونها و فكات يديها فاكة معاهم حتى التغوبيشة لي كانت راسمة على ملامحها من بعد ما سمعاتو اش قال، و بلا ما تحس لقات الدموع دارو بلاصتهم فعيونها من فرط السعادة لي زرع فيها ناجد و الفعل لي دار على قبلها، هبطات دمعة غادرة البقية و بالخف مسحاتها و هي كاتهز و تحط حابسة البكية...

ليسا(بحماس): وا تي سربي خلينا نشطحو...اويلي هادشي غزال...

لمياء(بنفاذ صبر): سربي سربي قبل ما يجي المعقد...

المعقد لي دوات عليه كان فالاصل وصل و لكن ختار يبقا واقف بعيد عليهم شوية هو و زين و بقاو كي شوفو فداك عرض الزواج لي قدامهم و نيران الغضب كاتاكل فيهم فالداخل و رغم ذلك حافظو على هدوءهم و لتازمو الصمت لحد الساعة...