أرويني بدماء جحيمك [Quench me with the blood of your hell]

𝑃𝐴𝑅𝑇❀54

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀54

في حين البيلوط كان كي لفظ اخر انفاسو، حتى غمض عينيه و حدر راسو مستسلم للمو ت، الهليكوبتر فقدات التوازن كليا ملي ما بقاش متحكم فيها و بقات غادا للأمام حتى دخلات فالقصر و تفرگعات مسببة كرة من النار حواليها...

الهليكوبتر لي فيها زين رجع بيها البيلوط للوراء هارب من ديك العافية،في حين لمياء وقفات قافزة كاتشوف فالعافية لي طالعة من سقف القصر و حيت كانت فالجهة الثانية ما كانتش عارفة اش واقع فمقدمة القصر، الفضول قتـ ـلها لكن ما بقا عندها جهد، قررات تسمع لكلام ساجد و ترجع تجلس في هدوء، حتى كاتبان ليها هليكوبتر جاية من الجهة الاخرى من طريق البحر، بقات هازة راسها كاتشوفيها حتى بان ليها البوص واقف حدا الباب كي شير عليها...

في حين ساجد كان وصل لعندهم لقاهم قدرو يقتـ لو عدد كبير من المهاجمين، بقا بيكوب واحد فيه خمسة الاشخاص، قرب للبودرا لي كان مخبي فيها زين و وقف وراها، بدا كي تيري فيهم واحد بواحد حتى سالا عددهم، عاد هز راسو فزين و نطق بتساؤل...

ساجد: ليسا؟

زين(بصراخ): معايا

ساجد:النيشان لدار العقرب...

زين(بإستفسار):ندي معايا لي گارد؟

ساجد: اه و علم لي گارد اخرين يحرسو دار العقرب،حتى يلحقو عليكم العائلة

زين: و لميا؟

ساجد: لمياء معايا...سير نتا دابا

زين حرك ليه راسو و ديك الساعة عطا أمر للبيلوط باش يتحرك من تما، في حين ساجد بقا واقف كي شوفيهم حتى غبرو و غبر معاهم الصداع لي كانت مسبباه الهليكوبتر، شوية و هو يعقد حواجبو ملي سمع صوتها جاي من بعيد، هز راسو فالسما كي قلب عليها حتى كاتبان ليه واقفة فالجهة لي فيها لمياء و فالبلاصة مشا عندها بخطوات سريعة...

هاد الاخيرة لي ملي لمحات البوص وقفات كاتشوفيه و هو كي نادي عليها، و غير بانت سارة كاتطل و هي تبتاسم براحة...

البوص: لمياء...غانلوح ليك الحبل باش تطلعي صافي؟

لمياء(حركات راسها): واخا...

لاح ليها الحبل و شداتو لمياء كاتحقق فيه، بان ليها الحزام و هي تخسر سيفتها ملي عرفات بلي ما تقدرش تربطو على خصرها بيد وحدة، هزات فيه عيونها و قالت بإستياء...