أرويني بدماء جحيمك [Quench me with the blood of your hell]

𝑃𝐴𝑅𝑇❀109

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀109

العقرب غمض عينيه و بقا مدور وجهو كي تسنط لديك الدقة لي عطاتو و لي رجعات ليه حنكو حمر من قوتها، زير على فكو و على يدو كي حاول بصعوبة يضبط أعصابو و يعرف بعدا شنو دار عاد يتصرف، لحظات و حل عينيه شافيها لقاها مخنزرة و كاتناظرو بإشمأزاز، بغا يسولها و هي تقاطعو شيماء لي كانت بدورها مصدومة من داكشي لي شافت...

شيماء: اويلي شكون صرفقك؟

العقرب(حدر عينيه للتيليفون و نطق موجه كلامو ليها):خليك معايا...

حط الساشية لي فيها التقضية فالارض عاد شاف فليليان لي بدات كاتعقد حواجبها خوفا من انها تكون تسرعات من بعد ما سمعات كلامو، حنحنات بتوتر و رجعات خطوة للوراء حتى كاتشهق ملي شدها العقرب من معصم يديها و جرها لعندو بالجهد قبل ما ينطق من تحت سنانو بغضب...

العقرب: يدك لاش تمدات عليا؟

ليليان(رمشات بعيونها من توترها و بلعات ريقها قبل ما تنطق بتساؤل): معامن كنتي داوي؟

العقرب(قلب التيلي و وراها شيماء لي كاتدور فعيونها ما فاهمة والو): ها معامن كنت داوي...

ليليان شافت فالتيلي و غير بانت ليها شيماء و هي تحس بالحرارة طالعة معاها فجميع أنحاء جسدها من فرط الخجل و الاحراج، وجهها تزنگ و ما لقات غير شفايفها تبرد فيهم حر الحشمة لي مسيطرة عليها فهاد اللحظة، عضاتهم بقوة و حدرات راسها كاتلعن فنفسها مليون مرة...

العقرب(بقا شحال كي شوفيها مخنزر شوية شاف فشيماء و قال): غانقطع ا شيما...فاش يسالي داك التخربيق لي غادا ليه عيطي ليا نجي نجيبك...

شيماء: اوكي...

قطع معاها و خشا التيليفون فجيبو، فنفس اللحظة ليليان هزات فيه عيونها و نطقات بأسف...

ليليان: سمح ليا فهمت غلط...

العقرب حرك راسو و تخطاها مشا بلوكا المصعد، دار لعندها لقاها كاتشوفيه موسعة عيونها بصدمة و قبل ما تحل فمها قاطعها و نطق بحدة...

العقرب: و حيت نتي عزيز عليك القانون...هنا غانبقاو حتى يجيو البوليس...