أرويني بدماء جحيمك [Quench me with the blood of your hell]

𝑃𝐴𝑅𝑇❀51

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀51

سؤالو كان كي تردد فدماغها، و عيونها كانت مركزاهم على السُّفن لي في طريقهم إليها، كانو مازال بعاد شوية لكن أصواتهم كانت مرعبة بشكل كبير، كأنها حرب أُقيمت فقط على عائلة عابدين...

لمياء كانو ملامحها باردة لحد اللحظة،كاتسمع لساجد و هو كي طلب منها تجاوبو بسرعة و غير من نبرته عرفاتو واصل لأعلى درجات القلق و الخوف على عائلتو،لحظات و جاوبات بنفس البرود، لي شافها مستحيل يشك بلي راه خايفة...

لمياء:عارفك ما كاتيقش فيا...و لكن هاد المرة ماشي أنا...مستحيل نضرك بيهم...الحرب بيني و بينك ماندخلش فيها ناس ما عندهم ذنب...سوا عائلتك سوا واحد اخر...

ساجد مسح على وجهو كي زفر بإرتياح، رغم الروينة لي نايضة حداه و الهجوم لي واقع لكن فهاد اللحظة حس بالقليل من الراحة،مرتاح حيت على الأقل ما غاديش يضطر يقبض روحها بيديه...

ساجد(حرك راسو): واخا...سمعيني مزيان(عينيه على الروينة لي قدامو)انا و الدراري باش نرجعو للقصر دابا ما نقدروش... الروينة نايضة هنا و الطريق محبوسة...

لمياء(زيرات على التيلي و قالت): ما تقدروش تجيو؟

ساجد: لا...دابا لا...غانلقاو حل اخر ما تخمميش...نتي دابا غاتديري حاجة وحدة...غاتمشي نتي و كاع لي فالقصر تخباو فالمخبأ السري لي تحت الأرض...

لمياء(بهدوء تام): واخا نتخباو تحت الارض غادي يجبدونا، انا دابا حدا البحر و كانشوف فربعة الباطوات جايين و عامرين بيهم...

ساجد(كشر ملامحو بإنفعال): شكاتديري تما؟ رجعي فحالك...

لمياء: غادي نرجع...

ساجد(بأمر): دابا

لمياء(سكتات كاتسمع للصداع لي حداه قبل ما تقول):لي گارد لي عندنا مستحيل يقدرو عليهم...انا متأكدة جايين كثر من هادو من الغابة...

ساجد(حرك راسو): غايجيو...داكشي علاش سمعي لكلامي و ديري لي قلت ليك...ما تشديش الضد ا لمياء...ماشي وقتو...

لمياء: واخا...ساجد...

ساجد(كي حقق فدوك الجوج لي قدامو شانقين على بعضياتهم):نعام...