🩸أࢪوينـــــــي بدمــــ♡ـــاءِ جحيـــــــمكَ🩸
🗡الفصــــــــل الثـــــــاني:ثــــــــأر قاســـــــي🗡
✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀21سكتات كاتشوفيه و كاترمش فعيونها،كلامو ما قدراتش تفهمو أَوْ بالأحرى رافضة تفهمو،بقات كاتناظرو مدة قبل ما تشوف قدامها و تقول بنبرة فيها رجفة...
وجدان:غادي نعيط على الطبيب و نسولو واش القلب صالح ليه
ناجد(تنهد و قال):وجدان...
وجدان(غمضات عينيها و قالت بنبرة منخفضة):سكت...غير سكت...بابا غادي يولي بخير من بعد ما يدير العملية...
ناجد(بنبرة هادئة نطق):باك الله يرحمو ا وجدان...ما قدرش يصبر مازال...
وجدان(بصراخ):قلت ليك سكت...(شافت فيه و الدموع مجموعين فعيونها) نتا بلعاني كاتكذب عليا...بغيتي تحر ق ليا قلبي عليه...(خنزرات فيه)نتا غير ما لقيتيش القلب و بلعاني كذبتي عليا...
ناجد تنهد و جبد التيلي من جيبو، دوز النمرة ديال الطبيب و عطاه ليها،شداتو بيدها كاترجف و حطاتو على وذنها،دموعها بداو يهبطو قبل گاع ما ينطق بشي حرف...
لحظات و كان جاوبها،حدها قالت "الو" و بقات ساكتة،غير هو لي كي دوي و كي شرح ليها شنو وقع،في حين ناجد واقف عليها مراقب ملامح وجهها،لي شوية بشوية بداو كي تبدلو كأنها بدات كاتستوعب الامر...
ما دازش بزاف ديال الوقت و هي تلوح التيليفون من يديها و حطاتها على قلبها،بدات كاتبكي بصوت مرتفع مخلياه واقف كي شوفيها و كي تنهد،حس براسو مكلخ فهاد اللحظة ما عرف شنو يدير...
وجدان(كاتبكي بحرقة):بابا...هو لي بقا ليا مشا و خلاني...(هزات راسها للفوق و دموعها سيالة)شنو ندير انا دابا؟خسرت كلشي على قبلو...
غوتات بحر جهدها و حيدات السيروم من يديها بالنترة،وقفات غير مبالية بالجرح لي فجنبها فالاصل حرقتها على باها خلاتها ما تحسش بداك الالم...
وجدان(كاترعد):انا غادي نتبعو...انا ما نقدرش نعيش بلا بيه...
تحركات غادا للباب باغا تخرج لكن ناجد شدها من دراعها و رجعها لعندو،غير حسات بملمس يديه عليها و هي تدور عندو كاتغوت بالجهد و تضر ب ليه فصدرو...
وجدان:طلق مني...طلق مني كلشي بسببك القتا ل(كاتغوت بهيستيرية)بعد مني...نتا لي قتـ لـتيه(حدرات راسها كاتبكي و نطقات برجفة)غير البارح شحال طلبتك تخليني نشوفو قبل العملية...و الله ما حنيتي فيا...
أنت تقرأ
أرويني بدماء جحيمك [Quench me with the blood of your hell]
Lãng mạn✨إِنْ كُنْتَ لا تُحِبُّنِي فأتركنِي أُحِبك و أكُون بقُرْبِك.... هَا أنَا مُسْتَعِدة لِحِمَاية من أَحْيَت قلبك.... وَ إنْ لَم أتَوَفَّق يا حبيبي فسَأطْلُبُ عَفْوك... ✨لا تحتاري كثيراً و اسأليني ما الذي سيداوي آلامي؟ أمتشوقة لسماع ردي و ي...