أرويني بدماء جحيمك [Quench me with the blood of your hell]

𝑃𝐴𝑅𝑇❀67

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـوَى🫀

  ♡لَــوْ ذقـــت يا غزالــي،ما ذُقْـتُ في هَـــواك♡ 

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀67

الصدمة تملكات حواسه اكثر فاش سمع ماكسيل كي قول بلي لي فكرشها ولدو، هنا اول حاجة تخايلها هي وجدان بين احضان ماكسيل، كي طبع عليها آثار تملكه و كي قبل كل شبر منها، كي مارس معاها الحب كيف كان كي مارسو عليها هو...

حط يديه على قلبو كي زفر بصوت مرتافع حاس بآلام لا توصف، ما كانش عارف بلي التخلي عنها بهاد الصعوبة، و عمرو توقع بلي الى شافها مع رجل غيرها غادي يكون مؤلم لهاد الحد...

و هو كي زفر و كي حاول ينظم انفاسه، سمع صوتها و رجع شاف فالتلفازة بعيون يكسوها الاحمرار، مُتعبة و مرهقة، و بقلب منكسر و مهزوم كان كي سمع فيها كاتقول...

وجدان: شنو رأيي فماكسيل؟(شافت فيه و بتاسمات) هو الشخص لي لقيتو فاش تخلى عليا كلشي(رجعات شافت فالصحفي) هو لي عطاني سبب باش نعيش(حطات راسها على كتفو) هو كلشي بالنسبة ليا

ماكسيل(قبل راسها و قال مخاطب الصحافة): كانظن خديتو اجوبة كافية

الصحفي(حرك راسو مبتاسم بود): كانتمناو ليكم حياة سعيدة...

عند ناجد لي بمجرد ما اختفت صورة جدان من الشاشة، ترسمو على وجهو ملامح الغضب و الاستياء، خسر سيفتو بعصبية و هز قرعة الشراب لي كانت فوق الطبلة، زف بيها على التلفازة حتى تخشخشات...

وقف و بدا كي هرس اي حاجة بانت ليه فاقد للسيطرة على اعصابه، مخلي غضبو يتحكم فيه و يعبر على ما دارت وجدان فقلبو، صوت انكسار الاشياء وصل لمسامع العائلة لي كانو مازال كي تعشاو، زكية قفزات و وقفات كاترعد...

زكية: اش هادشي؟

زين(وقف دافع الكرسي): ياك ما سارة؟

زكية(بدا كاتبكي): الله يا ربي بنتي...

زين مشا كي جري للجناح ديالها و زكية تابعاه كاتبكي مخلوعة، في حين لمياء و ساجد شافو فبعضياتهم و اول واحد طاح فبالهم هو ناجد، لمياء ما قدراتش تصبر و ناضت كاتجري لعندو رغم ان رجليها كانو كي خويو بيها و هي في طريقها اليه،اما ليسا شدات فراسيل و فاروق و داتهم لبيت هاد الاخير باش ما يسمعو و يشوفو والو...