أرويني بدماء جحيمك [Quench me with the blood of your hell]

𝑃𝐴𝑅𝑇❀94

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هَــواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀94

الوحش و هو كي تذ بح كانو عيونو على ليسا لي كاتشوفيه بلا ما ترمش، لا كان شي حد كي فكر بلي ربما تقدر تعطف عليه فهاد اللحظة فهو غالط، حيت الاحساس الوحيد لي كان متملكها هو الاحساس بالراحة، تهنات على حياتها و رتاحت من جهة بنتها لي مسببة ليها آلام كثيرة لكن رغم ذلك صابرة ومتحملة...

أما الوحش طلق منو زين بالنترة و بقا جالس على ركابيه و حادر راسو كي خرخر بصوت مرتفع و الروح كاتخرج منو، الد.م هابط من عنقو سيال مخلي اثاره على الارض، لحظات و غمض عينيه لافظ اخر نفس ، مودع الحياة و راحم الأرض من شرو و حقدو...

في حين زين لاح الموس و هز راسو للسقف قبل ما يغمض عينيه و يبدا كي سوط بتعب، الارهاق لي مستعمر ذاتو لا يوصف بالكلمات، كل شبر فيه مسخسخ و ما كرهش يغفى فشي نعسة طويلة و ما يفيق حتى يرتاح فيها مزيان، شوية حل عينيه ملي سمع صوتها و هي كاتنطق برجفة مرفوقة بخوف و ذعر...

ليسا(موسعة عيونها و هي كاتشوف فالارض): الد.م...الد.م...

فبادئ الامر مشا بالو بعيد و حساب ليه غير خافت من شكل الوحش و تقززات من بركة الد.ماء لي محاوطاه، لكن تفكر بلي ليسا هادي و مستحيل حاجة بحال هادي تخلعها، شافيها و غير لمح الد.م لي هابط من سيقانها بلع ريقو و قرب ليها كي نطق بقلق...

زين: ليسا...

ليسا داخت ما بقات عرفات شنو تدير،واش تفكر فالد.م لي هابط منها و لا فالوجع لي حارقها، و لا فداك لي مدخلها فصراع الحيرة و شادها من دراعها كي سولها بقلق و خوف، شافت فيه كاترعد و عيونها مبتلين بالدموع، ركزات النظر فعينو لي صحيحة و قرات منها خوفو الشديد عليها، بلعات ريقها و قالت..

ليسا: عافاك ما تعتقنيش...لا عتقتيني غادي نرجع كيف كنت...

زين(خسر سيفتو): شكاتخربقي؟(هبط عينو للأرض و قال بإنفعال) الد.م هابط منك ا ليسا...

ليسا(تنترات منو راجعة للور): غير بعد خوتي جايين يعتقوني...نتا لا...(شدات راسها و حركاتو يمين و شمال) نتا لا...نتا غير كاتفلى عليا...(تأهوات بألم و غمضات عيونها حاطة يديها على بطنها)

زين(قرب خطوة لعندها ناطق بصرامة): ليسا راك كاتخسري الد.م...غاتمو تي...