أرويني بدماء جحيمك [Quench me with the blood of your hell]

𝑃𝐴𝑅𝑇❀117

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀117

فاللحظة لي خرجو فيها الدراري من الطوموبيل قدر زياد يفهم شنو واقع و بالخف شد سارة من راسها و حدرو ليها قبل ما يتحدر حتى هو و ينطق بنبرة عالية ممزوجة بخوف كبير، خوف من فقدانها هي و ولدو لي عاد عرف بوجودو....

زياد: هبطي تخباي لتحت...دابا..

سارة يالاه هبطات و هي تغوت ملي بدات كاتسمع صوت طلقات نارية كثيفة، سدات وذنيها بيديها و تكمشات فبلاصتها قبل ما تغمض عيونها و هي كلها كاترجف، في حين زياد مد يديه للور كي حاول يوصل للسلاح لي خلاه تما و بسبب الطوموبيل لي كاتحرك بيهم ملي كي تيريو فيها لقا صعوبة...

لكن ما ستسلمش، بقا مقا تل حتى قدر يهز السلاح و رجع تخبا تحت الفولون و هو كي قاد فالفردي، شاف فسارة لقاها حادرة راسها للتحت و كلها كاترعد، حط يديه على ذقنها و هز  ليها وجهها حتى شافت فيه بعيونها المحمرة الدامعة...

زياد: ما تخافيش العمر...نمو ت انا و ما نخليكش تمو تي...

يالاه بغا يجر يديه عندو و هي تشدها ليه مزيرة عليها بخوف،حلات فمها بغات تنطق و رجعات سكتات ملي رصاصة قتاحمات الكوسان حتى قفزاتها من بلاصتها....

زياد: خليني نخرج ا سارة....

سارة(حلات عيونها و شافت فيه ناطقة بترجي): ما تمو تش...الى ناوي تمو ت خلينا نمو تو بجوج(هبطو دموعها) ما نقدرش نبقا بوحدي...

زياد زفر بضيق و قرب ليها معنقها بقوة، طبع قبلة عميقة فجبينها قبل ما يفك يديه من يديها و يحل الباب، خرج تحت صراخها و هي كاتطلب فيه باش يرجع في حين هو تقابل مع دوك الرجال و بدا كي تيري فيهم بهيستيرية...

مورتي(بصراخ): تخباو...

كلهم حبسو من اطلاق الرصاص و دارو ورا الطوموبيلات مخليين زياد فاقد السيطرة على راسو و كي تيري بلا عقل، كانت هادي فالاصل خطتهم باش يخسر گاع الرصاص لي عندو حيت عارفينو غادي يكون مسلح...

و كيف ما خططو، السلاح ديال زياد سالا منو الرصاص و سيطر صمت مرعب فالمكان من غير صوت طلقات فارغة صادرة من الفردي ديالو، زير عليه بيديه و ظهرات لمعة فعيونو كانت واضحة بسبب اضواء السيارات...