أرويني بدماء جحيمك [Quench me with the blood of your hell]

𝑃𝐴𝑅𝑇❀45

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀45

ساجد دخل و بلا ما ينطق بشي طرف شنق عليه من الكول ديال التيشيرت لي كان لابس و بقا جارو باللور حتى للطبلة ديال الزاج لي كانت تما، هزو بقوة و رضخو بالجهد عليها حتى تشتت الزاج...

زياد كشر ملامحو متألم، حل عيونو و هو يبان ليه ساجد كي ناظرو بغضب و كي نهج معصب، هاد الأخير لي بمجرد ما شاف زياد، الغضب تملك حواسو، و فهاد اللحظة غير صوت سارة و هي كاتغوت لي كي سمع...

هز رجليه بغا يهبط عليه بيها لكرشو لكن زياد تكركب للجنب و تفادى ديك الضر بة لي كانت غادي تسبب ليه فضرر كبير، وقف عاطيه بالظهر و مشا للسلاح لي كان طاح ليه بغا يهزو، حتى كي ركلو ساجد من اللور جابو طايح...

دار على ظهرو  يالاه باغي ينوض حتى كي زرب عليه ساجد ملي جلس فوقو، عاود شنق عليه و هز قبضة يديه هبط عليه بيها حتى دار وجهو للجنب، ديك اللكمة ما كانتش كافية باش تطفي حر النار لي شاعلة فيه، و زادو الثانية و الثالثة حتى بدا كي فقد قواه...

حتى بغا يستسلم و يخلي ساجد يقبض روحو، و هي تهاجم خيالو بصورتها المشرقة، بإبتسامتها لي كي عشقها،بملامحها، بقوامها الجذاب، بكلشي فيها، ماشي دابا خاصو يستسلم و لا كان شي شخص خاصو يقتـ ـلو فهي سارة...

استجمع ما تبقى من قواه، و هز يديه جمع مع ساجد بلكمة دورات ليه وجهو للجنب، بغا يزيدو الثانية لكن ساجد كان الاسرع ،شلل حركتو بلكمة و مباشرة من بعدها شنق عليه من عنقو...

ساجد(زير عليه حتى رجع وجهو حمر،و نطق من تحت سنانو مغزز):طرتي حتى عييتي ا ولد القحـ بة..ها نتا طحتي فيدي...

زياد بانت لمعة فعيونو و هو كي حس بروحو غادي تفارق جسدو،مد يديه و شد ساجد من حوايجو قربو ليه حتى تقابلو وجوههم، قبل ما ينطق بصعوبة و الدموع متمركزين فطرف عيونو...

زياد: كنت حاسبك خويا الكبير...

ساجد(بنبرة ساخرة): خويا و مغتا صب ليا ختي؟(زير عليه كثر) عند بالك هاد الهدرة غاتنسيني فلي درتي؟

زياد(بحروف متقطعة نطق بصعوبة) :خليها هي تنتاقم....هي لي من حقها...

غَيْظ، إِمْتِعَاض، إِهْتِيَاج، إِنْفِعَال،وَغْر و حِقْد، اختلف اللفظ و اتفق المعنى، جميع هاد الكلمات كانو كي عبرو على حاجة وحدة "الغضب" نفسو الاحساس لي كان مسيطر على ساجد لي ثانية من ورا ثانية كان كي زيد يزير عليه كثر، حتى وجهو ولا زرگ بسبب انقطاع الاكسجين...