أرويني بدماء جحيمك [Quench me with the blood of your hell]

𝑃𝐴𝑅𝑇❀47

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀47

ليسا كانت ساكتة و كاتسمع لكلامته لي كانو أشبه بسيف حاد، بقلبها إستقر، رجعات خطوات للوراء كاتناظرو بنظرات تعيسة، فنفس الوقت حائرة، مستحيل يكون هاد الوقت كامل كان هاز فقلبو هاد كمية الحقد و الكره جيتها...

هاجمها ألم حاد فراسها و شداتو بين يديها كاتحركو يمين و شمال، كأنها كاتقوليه ما نقدرش نثيق كلامك،ماشي فهاد الوقت،صعب نتقبل كرهك ليا و انا هازة فأحشائي طفلك،مؤلم نتعايش مع حقدك و انا مرتك شرعا و قانونا...

و هي منزلة راسها بداو شهقات كي تسمعو صادرين منها،زين كان كي شوفيها بملامح جامدة بلا ما يدير حتى شي ردة فعل، كان سكران و السكرة مغيباه عن الواقع، نفسها السكرة لي خلاتو ينطق بالمشاعر لي مدة و هو مخبيهم فقلبو...

زين من منظوره ليسا ما كاتبانش ليه انسانة مريضة بمرض نفسي يُصعب فهمه، انما فعينيه انسانة بقلب شيطاني مخادع،خططات لمخطط ماكر و نجحات فيه بمهارة...

و فهاد اللحظة و هو كي شوفها منهارة كأنه رضى رجولتو لي كسراتها ليسا بداكشي لي دارت سابقا، ظهرات على شفايفو شبه ابتسامة و هو كي سمع لصوت بكاءها لي كي طرب بيه مسامعو كأنه سمفونية احترافية...

ليسا تحدرات للارض شادا راسها و كاتبكي بحر قة، حاسة بألم لا يوصف كي قتـ ـل فيها، كاتحس بملايين من الخناجر محاطة بالسموم كاتغرس فقلبها، في حين هو متع رجولتو بمنظرها لثواني و مشا خرج من تما مخليها في حالة يرثى لها...

غير فات الباب بانت ليه ليليان واقفة كاتشوفيه و على عيونها لمعة، كانت لمعة كاتحسر بيها على حالة ليسا لي سمعات داك الكلام فالوقت الغلط، كانت كاتعاتب بيها حتى زين لي ما لقا امتى يصارحها غير و هي فعز مرضها...

زين(غمض عينيه و رجع حلهم دايخ): اش لي مفيقك؟

ليليان(بنبرة هادئة): سمعت ليسا غوتات و جيت نشوف مالها...

زين تنهد و تخطاها غادي لبيتو، في حين هي دورات وجهها و بقات مراقباه حتى غبر عاد شافت فليسا لي جالسة فالارض و كاتبكي، تنهدات من الاعماق و خدات نفس طويل قبل ما تدخل و تسد الباب،و غير سداتو و هي تسمعها كاتقول برجفة صوت...

ليسا: غادي نقتـ ـلو(زيرات على يديها و قالت بعيون غاضبة) غادي نقتـ ـلو