🩸أࢪوينـــــــي بدمــــ♡ـــاءِ جحيـــــــمكَ🩸
الفصـــــل الأول:༒حــــب،صـــداقة و دمـــــاء༒
✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀6بقا كي شوفيها بإستغراب كي تساؤل مع راسو شنو جابها لعندو فهاد الوقت؟ و اش هاد اللبس لابسة قدامو؟ اما هي التوتر كان ظاهر عليها واخا عيات تخبيه،خاصة ملي شافتو رما الگارو فالارض زطم عليه، و دخل غادي لعندها كي نتر الدخان، حتى وصل لعندها، طلعها و هبطها و قال...
ناجد: مالك؟ خاصاك شي حاجة؟
حسات بلسانها تربط، الكلمات لي كانت موجدة باش تعتارف ليه بمشاعرها هربو فهاد اللحظة و خلاوها حاصلة معاه، لقات بلي الكلام ماغاديش يفيدها،و نصيحة إيمي ليها هي الأسهل حاليا...
حيدات البينوار تحت انظاره حتى طاح حدا رجليها و بقات كاتشوفيه و هو كي ناظرها ببرود،ما قدراتش تقرا ملامحه، بروده زرع فيها الشك، خلاها تتساؤل مع راسها واش ما قدراتش تحرك فيه والو؟
لكن كانت غالطة، حركات فيه مشاعر كثيرة، غضب، اشمئزاز و خيبة أمل كبيرة، و شوية بشوية بدا البرود كي مشي من ملامحه، و تحولو لملامح غاضبة بوضوح،قدرات تقراهم بسهولة هاد المرة، و هادشي لي خلاها تبلل حلقها بريقها مرعوبة من شوفاتو ليها...
و يالاه بغات تحل شفايفها باش تهدر و هو يشدها من عنقها غرس فيها صباعو، و جرها لعندو حتى تضربات مع صدرو، هز يديه على للسما و جمع معاها لوجهها حتى دار للجنب، شهقات و رجعات شافت فيه مصدومة و قبل ما تفكر تنطق بشي حرف زادها الصفعة الثانية...
ناجد(بعصبية مفرطة نطق و هو مزير على مخارج الحروف): شكاتحاولي تديري؟ زمـ.//ل عليك كـ رك فهاد الليل؟ فيك الدودة كاتقلبي عليا نحيدها ليك؟(زير عليها كثر حتى خرجو عيونها)خوك ا سارة خوك؟ما درتي لا بحسابي لا بحساب ساجد،لا مك و لا باك لي فقبرو؟(عيونه كيف الجمرة و عروق جبينو بارزين من الغضب)شنو ندير فيك دابا؟
النفس تقطع فيها و هو مزير على عنقها خانقها، بقات كاتضر ب ليه فيديه و وجهها ولا حمر، حتى حس براسو قرب يقتـ لها و هو يطلق منها دافعها بالجهد حتى طاحت للأرض، دور وجهو للجنب كاره يشوفيها و قال...
ناجد: خرجي تقاو دي...
ما حملاتش تزيد فداك الجناح دقيقة اخرى، هزات بينوارها و خرجات من عندو كاتجري، وصلات لبيتها و غير دخلات مشات تلاحت فوق ناموسيتها كاتبكي و كاتشهق كارهة راسها اشد الكره...
أنت تقرأ
أرويني بدماء جحيمك [Quench me with the blood of your hell]
Storie d'amore✨إِنْ كُنْتَ لا تُحِبُّنِي فأتركنِي أُحِبك و أكُون بقُرْبِك.... هَا أنَا مُسْتَعِدة لِحِمَاية من أَحْيَت قلبك.... وَ إنْ لَم أتَوَفَّق يا حبيبي فسَأطْلُبُ عَفْوك... ✨لا تحتاري كثيراً و اسأليني ما الذي سيداوي آلامي؟ أمتشوقة لسماع ردي و ي...