أرويني بدماء جحيمك [Quench me with the blood of your hell]

𝑃𝐴𝑅𝑇❀112

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀112

رجعات للور و غمضات عيونها قبل ما تخبي كرشها بيدها و تجلس فالارض،بقات كاتنهج و هي على ديك الوضعية رافضة تهز فيه راسها و تشوف نظراتو ليها، حتى سمعات الدقان فالباب و هي تقفز بخوف و حلات عيونها كاتدورهم على جنابها بحيرة، لقات راسها باقا فالدوش و الفوطة لي نتر ليها زين مازال معلقة فبلاصتها، هنا عاد عرفات بلي غير كانت كاتتخايل...

زين(من ورا الباب نطق و هو عاقد حواجبو بقلق): ليسا؟ مالك؟

ليسا(مسحات على وجهها و بللات حلقها بريقها قبل ما توقف): والو والو...

زين(بأمر): حلي الباب...

ليسا(هزات الفوطة لواتها عليها و بقات شاداها بإحكام):واش بغيتي شي حاجة؟

زين: بغيت نشوفك...

ليسا تنهدات و قربات للباب حلاتو، هزات عيونها بتردد فزين لي كان كي حقق فيها و فملامحها باش يتأكد من سلامتها،و ملي ما بان ليه والو فيها جرها لعندو و حاوط خصرها بيديه قبل ما يتحنى لوذنها و ينطق بهمس...

زين: توحشتك...

ليسا(سرطات ريقها بتوتر و حدرات عيونها للأرض): ديما كاتشوفني...

زين(طبع قبلة على عنقها): واخا كانشوفك كانتوحشك... راك قريبة و بعيدة فنفس الوقت...و غانزيد نتوحشك هاد لييام

ليسا(بعدات وجهها): واخا يالاه بعد شوية...

زين(هز راسو): ما غاتسولينيش علاش؟

ليسا: اوا قول خلاص نمشي نلبس حوايجي...

زين: من بعد غدا غانغبر شي يامات على قبل واحد البلان...(حط يديه على خدها كي تحسسو بحنان) بغيت نديك معايا و لكن كاينة صابرة...

ليسا(سكتات لمدة كاتحقق فيه قبل ما تقول): بلا صابرة ما نمشيش معاك...

زين(خسر سيفتو): علاش؟

ليسا(هزات كتافها): هاكداك...

زين(حدر عينيه لليد باش شادا الفوطة و مزيرة عليها): و مالك مزيرة على الفوطة؟ خايفة نحيدها ليك؟