أرويني بدماء جحيمك [Quench me with the blood of your hell]

𝑃𝐴𝑅𝑇❀103

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀103

غاب سواد الليل و اشرقت الشمس مضوية بنورها جناح وجدان ، هاد الاخيرة لي كانت جالسة فالارض و متكية بظهرها على الناموسية كاتشوف فنقطة واحدة، عيونها حمرين و منفوخين و ملامحها ذابلة و مُتعبة، بسبب ليلة طويلة من البكاء و الحسرة من بعد لي وقع فالأمس...

وعات على راسها ملي سمعات الباب تحل داخل منو ناجد لي معول يلقاها ناعسة، لكن غير قرب لبيت النعاس و هو يتصدم ملي شافها فديك الوضعية كأنها جسد بلا روح، خلعاتو و زرعات القلق فقلبو و ما حس براسو حتى مشا لعندها بخطوات سريعة و شدها من دراعها وقفها...

ناجد(بعتاب): شهاد الحالة دايرا فكـ رك؟

وجدان(بصوت باح نطقات و ملامحها جامدة): مازال عندك الوجه تسول؟

ناجد(خسر سيفتو بغضب): على قبل داكشي لي قال ساجد البارح؟(هز حاجبو ناطق بتحذير) وجدان غانكعا عليك...

وجدان(بطاقة مُستنزفة تنترات منو و قالت بهدوء): بغيت نخرج من هنا و نمشي فحالي...مستحيل نبقا مع واحد بحالك...

ناجد(بعصبية بالغة شدها من فكها و قابل وجهها مع وجهو قبل ما ينطق من تحت سنانو بإستياء):دابا شنو تيقتي داك ز بي د خويا و انا لا؟

وجدان(حطات يديها على يدو): طلق...

ناجد(طلق منها بالنترة): هاد البلانات ا وجدان ما عنديش مع عدو ربهم...جبتك لهنا حيت باغيك ليا ماشي باش نتفلى عليك...

وجدان(عقدات حواجبها): علاش ديما كاتعطل بالليل؟

ناجد(بنفس نبرته الغاضبة): راني كانكون خدام...و حتى لا ما خدمتش كانمشي غا نشرب ماشي كانحو ي...

وجدان(بتاسمات بسخرية): و علاش فبلاصة ما تسهر كاتشرب....ما تجيش عندي و تدوز معايا الوقت؟ 

ناجد(بتساؤل جدي): غا هادشي لي بغيتي؟

وجدان:بغيت راحة البال و الهنا...نتا ديما مبرزط ليا دماغي ما مخليني حتى نعس الليل مرتاحة...

ناجد: داك النهار قلنا ليك ما نعاودش...ما نبقاش نتعطل برا....غا هو باش تشكي فيا و تيقي فبنادم اخر و انا لا...(هز عليها صبعو ناطق بصرامة) اخر مرة يتعاود هاد البلان حيت المرة الجاية ما ندوزوش ليك...