أرويني بدماء جحيمك [Quench me with the blood of your hell]

𝑃𝐴𝑅𝑇❀104

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀104

ليسا مالت للجنب باش تقدر تشوفها و غير لمحاتها واقفة حدا الباب و كاتشوفيها و هي توسع عيونها و نطقات بنفس النبرة لي نطقات بيها سارة...

ليسا(بشوق): سارة...

ساجد ما كانش محتاج يسمع اسمها باش يعرفها شكون، غير من صوتها كان متأكد من أنها هي لكن ما دارش لعندها، بقا على نفس وضعيتو مزير على يديه حتى بانت ليه ليسا تخطاتو و مشات عند ختها حضناتها بقوة...

سارة(بعيون دامعة نطقات بأسى): ليسا...نتي بخير؟ توحشتك بزاف...

ليسا(زيرات عليها ناطقة بإشتياق): كون تشوفي أنا...(بعدات عليها و حضنات وجهها بيديها قبل ما تنطق بقلق) نتي بخير ا سارة؟

سارة(حركات راسها): بخير...و نتي؟ كي بقيتي؟ تخلعت عليك بزاف فاش عرفت لي وقع معاك(شدات فيديها لي على خدودها) ما تهنيت حتى شفتك دابا...

حولات انظارها لعند ساجد لي كان دار لجيتها كي ناظرها بعينيه، خدا من وقتو ثانيتين باش يتفحصها من الفوق حتى لتحت و بلا كلمة بلا جوج رمى بخطواتو للباب قاصد يخرج...

في حين سارة ملي شافتو شهقات بصدمة و مباشرة صدرات أمر فحق دموعها باش ياخدو راحتهم فوق خدودها، ما ترددوش فتنفيذ الأمر و هبطو بغزارة مخليين آثار عميقة فوجهها معبرين على مدى الاشتياق لي كاتحس بيه فهاد اللحظة...

طلقات من ليسا و غير شافتو تخطاهم باغي يخرج و هي تلحق عليه و شدات فيديه ناطقة بحرقة و دموعها سيالة...

سارة: خويا تو...

ما خلاهاش تكمل كلامها و نتر يديه بالجهد قبل ما يخرج من الشومبر، و غير خرج وقف ثاني ملي شافو واقف تما خاشي يديه فجيوب السروال ديالو و مسند ظهرو على الحيط كي شوفيه بنظرات باردة، نفسهم النظرات لي رمقو بيهم ساجد قبل ما يطلعو و يهبطو و يكمل طريقو...

سارة(ببكاء حارق): خويا...

لحقات عليه كاتجري خلات وراها زياد غير كي شوفيها، في حين هي وصلات على ساجد و شدات ليه فيديه ثاني لكن فنفس الثانية نترها ليها بالجهد حتى رجعات باللور و دار عاطيها بالظهر غادي من تما، ما ستسلماتش، تبعاتو و شدات ليه فيديه مرة اخرى لكن هاد المرة ما كتفاش بأنه يجر يديه لعندو فقط،إنما هزها حتى للفوق و جمع ليها حنكة بصفعة حتى خلا آثار اصابعه عليها...