أرويني بدماء جحيمك [Quench me with the blood of your hell]

𝑃𝐴𝑅𝑇❀66

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـوَى🫀

  ♡لَــوْ ذقـــت يا غزالــي،ما ذُقْـتُ في هَـــواك♡ 

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀66

بمجرد ما حققات فوجهو و ركزات فنبرته، غمضات عيونها و خدات نفس عميق و هي كاتلعن فروحها لي مازال ما بغات تفارق جسدها و تهنيها من المعاناة، سمعات حسو ملي ناض و بدا جاي كي قرب ليها، و زادت زيرات على عيونها رافضة تفيق من الغيبوبة، و ما كرهاتش تعاود ترجع ليها...

ساجد جلس حداها و حيد ليها جهاز التنفس الاصطناعي، بتاسم و هو كي ناظر ملامح وجهها لي ولا خالي من آثار الجروح، و ركز فعيونها لي من مدة و هو كي تسنا فيها تحلهم، لحظات و شد يديها مزير عليها ناطق بنبرة هادئة...

ساجد: الطبيبة، قالت لينا هاد السيمانة تفيقي، 4يام و انا حداك ما خليتكش، عرفتي علاش؟ باش ملي تحلي عينيك نكون انا اول واحد تشوفيه، باش تدخلي لديك الحجرة لي عندك فراسك، بلي انا ما مني هروب، انا وياك حتى للموت ا لمياء...

لمياء(بلعات ريقها و قررات تدير محاولة تافهة، حنحنات كاتستاعد باش تنطق عاد قالت بنبرة باحة): شـ شكون نتا؟(كشرات ملامحها) ما عرفتكش...

ساجد(ربع يديه كي شوفيها): فقدتي الذاكرة؟(بتاسم) مزيان...كنت هاز الهم لكيفاش نقوليك بلي ناجد ما ت...

لمياء وسعات عيونها و ناضت شاهقة، لكن ديك الساعة رجعات تكات ملي هاجماتها الدوخة، خلاتها تأوه بألم و تسد عيونها كاتنين...

لمياء: ناجد...

ساجد(ضحك ضحكة رجولية إختفت بسرعة): بنت القحـ بـة...(هز حواجبو) ها لي قلنا...مع البدية مع الكذوب....

لمياء(حطات يديها على راسها كاتتنهد): شحال من روح فيك؟ هادشي بزاف...

ساجد: حتى انا طحت فغيبوبة و لكن فقت فالسيمانة اللولة...

لمياء(حلات عيونها و شافت فيه): شنو وقع لينا؟

ساجد(رجع خصلات من شعرها لورا وذنيها): لقاونا لي گارد د القصر غارقين فد.ماياتنا... انا جاتني دقة مقا ودة فظهري تهرست فيه و دابا بريت...

لمياء(بتساؤل): و أنا؟

ساجد(حط صباعو على حناكها): نتي كليتيها فالراس...راك بخير دابا