أرويني بدماء جحيمك [Quench me with the blood of your hell]

𝑃𝐴𝑅𝑇❀11

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀11

✨يا مَولايَ قُل لي أَيُّ ذَنبٍ••جَنَيتُ لَعَلَّني مِنهُ أَتوبُ         
أَراكَ عَلَيَّ أَقسى الناسِ قَلباً••وَلي حالٌ تَرِقُّ لَهُ القُلوبُ✨        

دازو 3 أيام على داك النهار، كان فيهم ناجد غابر على القصر ما بقاوش شافوه، عرفوه هز فخاطرو من كلام ساجد ليه، و لي خرج فلحظة غضب ما قصد بيه والو،فالاصل هو اكثر واحد كي عزو و من ديما علاقتهم قوية، هادشي لي مخلي زكية ما مهنياش من جيهتهم، ما حاملاش ولادها يكون بيناتهم خصام، و كاتفكر كيفاش تصالحهم...

في حين لمياء هاد الخصام كان فصالحها واخا حتى هي ما حاملاهش، خاصة انه بسبابها اصلا قطعو الهدرة، و لكن كانت فهاد الفترة كاتخرج من القصر بالليل بلا صعوبات حيت ما كي كونش ناجد،اما ساجد كيف اول مرة كي وصلوه التصاور ديالها و هي فالنايت كلوب مع البوص...

واليوم هو اليوم السادس ليها فالمهمة،كانت جالسة فبلاصتها كيف ديما، لابسة كسوة فالبيج و طالقة شعرها مع ميكاب مناسب ملامح وجهها،حتى كي بان ليها جاي لعندها و على وجهو ابتسامة واسعة، غير شافتو بادلاتو الابتسامة و وقفات، وصل لعندها و جرها لعندو سلم عليها...

البوص(طلعها و هبطها بإعجاب): جا معاك هاد اللون

لمياء(بإبتسامتها الساحرة):شكرا

البوص(أشار ليها تجلس): رتاحي(جلسات و جلس حداها)شنو تشربي؟(هز حاجبو) ما يمكنش حتى اليوم ما تشربيش

بلعات ريقها متوترة ما تقدرش ترفض لليوم السادس،أكيد غادي يعيق بشي حاجة لا رفضات، البوص هادا ماشي شي واحد لي عادي، غارق فعالم المافيا لسنوات و تجارب كثيرة داز منهم...

لمياء(شافت فيه و قالت):نو اليوم غادي نشرب

البوص بتاسم ليها و عيط على السرباي طلب منو المشروبات، رجعو كي تكلمو حتى جا و جاب معاه الطلبية، البوص هز كاس و مدو ليها...

البوص:وان شوت؟

لمياء(بتاسمات بزز): وان شوت

و شربوه دقة وحدة، البوص مولف ما دار على وجهو حتى ملامح، في حين لمياء بقات مكشرة ملامحها من مرورية داك الشراب، خاصة انها اول مرة تشرب و دقة وحدة، جاها صعيب و ما حملاتش مذاقو نهائيا...