أرويني بدماء جحيمك [Quench me with the blood of your hell]

𝑃𝐴𝑅𝑇❀25

🩸أࢪوينـــــــي بدمــــ♡ـــاءِ جحيـــــــمكَ🩸

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀25

ساجد و هو فالاوطو سايگ،جاه اتصال من البوص لي طلب منو يلحق عليهم للنايت كلوب ديالو،ديك الساعة بدل طريقو و توجه ليه من بعد دقائق و كان وصل،هبط و دخل كي دور عيونو على لي تما،كان الكلوب عامر كيف عادتو و اغلب لي فيه اعضاء من المافيا و تجار المخدرات و الكليان ديالهم...

مشا مباشرة للغرفة المخصصة للفي اي بي أَو بالاحرى مخصصة للإجتماعات ديالهم السرية،دخل و لقاهم كاملين حاضرين جالسين كي تسناو فيه، كانت فوسط القاعة طبلة طويلة دايرين عليها بلي فوتوي، عامرة بالشراب ،الجوانات و المخدرات بجميع انواعها...

ما دوا مع حد مشا جلس و حط رجل على رجل كي تفرج فيهم،ها لي كي شرب ها لي كي فتخ فالجوانات و ها لي كي شم فالغبرة،زفر معصب و ضر ب الطبلة بيديه حتى عم الصمت و كلهم وجهو ليه انظارو...

{الحوار بالاطالية}

ساجد:معيطين ليا باش نتفرج فيكم القحا ب؟

حنحنو و تقادو فجلستهم،في حين البوص لي كان كي جغم من كاسو حطو فوق الطبلة و شافيه،حقق فيه النظرة مطولا و نطق بجدية...

البوص:بغاوك تولي البوص...

ساجد(بتاسم بسخرية):صافي تهديتي؟

البوص:القرار كان بالاجماع و الى كلشي بغا ما عليا غير نوافق

ساجد(جمع ابتسامتو و نطق بحدة):منصب البوص ما تفرقو حتى تمو ت...

البوص:عييت و بغيت الراحة

ساجد(جبد سجارة شعلها):الراحة كاتنساها نهار كاتدخل للمافيا...(نتر نترة طويلة)

البوص(تنهد):المرض غادي و كي نتاشر

ساجد(شافيه و ساط الدخان):نهار كي طيح الذيب كي كثرو الكلاب...(حرك راسو) و لكن ما عليش...خدمتك غانديرها بلا ما نتسما بوص...سير حتى ندفنوك و نشوف هاد البلان...

البوص(بتاسم):حتى هادا بلان...

الكابو:بغينا نوسعو تهريب المخدرات و السلاح...

ساجد(شافيه و نتر من الگارو):انا راني مخاطر معاكم فبلان السلاح...كانبيع ليكم بكمية كبيرة هادشي كي دخل الشك للبوليس،فالاصل داير معاهم اتفاق قانوني...السلاح يتباع للدولة من غيرها لا...