أرويني بدماء جحيمك [Quench me with the blood of your hell]

𝑃𝐴𝑅𝑇❀114

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀114

مورتي فالاصل كان خرج من طوموبيلتو و دخل للمبنى كي جري بمجرد ما سمع الكلام المنحرف ديال داك الشاب و فهم من خلالو النوايا الخبيثة ديالو، و فالوقت لي ذكرات فيه اسمو مُستنجدة إياه كان هو وصل أساسا للطابق الثالث....

لحظات و تسمع صوت الباب لي تفرع و دخل منو هاد الاخير لي كان كي لهث و ملامح وجهو متشنجة، وقف و رمى عيونو لي موسعهم على الاخر لليلي و لداك الشاب لي هز راسو و بقا كي شوفيه و هو مخنزر...

الشاب: شكون عطا...

ما كملش كلامو بسبب مورتي لي مشا لعندو بخطوات سريعة و شدو من عنقو هزو من فوق ليلي، رضخو مع الحيط بكامل قواه حتى غوت داك الشاب متألم، عاود جرو و عاود رضخو و بقا كي كرر نفس العملية و كي ردد نفس الكلام و هو كي نطق من تحت سنانو بعصبية بالغة...

مورتي: ولد القحـ ــبة....ولد القحـ ــبة..

ليلي هزات المونطو ديالها لبساتو بالخف فوق لحمها العاري و تكمشات فالقنت ديال الفوتوي مخلوعة، بقات كاتشوف فمورتي و هو كي رضخ داك الشاب حتى قرب يفقد الوعي ديالو عاد رماه فالارض و طلع فوقو كي وجه ليه فاللكمات...

لكماتو القوية سببات ليه فكسور فنيفو و حتى ففكو، لطخات ليه وجهو بالكامل بالد.م حتى ما بقاوش كي بانو ملامحه، الشاب فقد وعيو ملي ما بقاش قادر يتحمل داك الألم الشديد في حين مورتي فاقد السيطرة على اعصابو تماما و بقا مكمل فهجومو عليه ما ناويش يحبس حتى يزهق روحو، حتى حس بأصابعها الناعمة تحطات على يديه و نطقات بنبرة صوت هادئة مغلفة برجفة...

ليلي: باركا...غادي تقـ تلو...

بلعات ريقها ملي هز فيها راسو و وجه ليها نظراتو الغاضبة، عيونو المُحمرة و فكو لي بارز خلاوها تزير عل المونطو ديالها و ترجع باللور، حتى بان ليها وقف و قرب ليها و هي تغمض عيونها و ميلات وجهها للجنب كاتسناه يجمع معاها للحنك...

بقات مدة و هي على ديك الوضعية لحظات قبل ما تحل عيونها كاتقلب عليه قدامها لكن ما لقاتوش حتى دارت عاد بان ليها واقف حدا الطبلة كي جمع فالسلعة، سالا و هز كلينيكس عاد قرب ليها و لاحو عليها...