🩸أࢪوينـــــــي بدمــــ♡ـــاءِ جحيـــــــمكَ🩸
🫀الفصـل الثالــث و الأخيـࢪ:دَع القَلْـــبَ يَهْـــوَى🫀
♡لَـوْ ذقـت يا غزالـي،ما ذُقْــتُ في هَــواك♡
✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀91حقن فيها ديك الجرعة و بقا مزير عليها و هي كاتنتر منو و تنادي بإسمو لمدة دقائق و بدات كاترخى و لسانها كي ثقال عليها، ساجد بقا ضامها ليه كي قبل جبينها حتى حس بيها غابت عن الوعي عاد هزها و حطها فالناموسية، غطاها بالليزار، شد يديها طبع عليها قبلة و شافيها شوفة اخيرة قبل ما يخرج من الجناح و يسد الباب...
توجه لبيت فاروق لقا هاد الاخير جالس فالطاپية لي فالارض و كي طبطب على راسيل لي كاتبكي من اشتياقها لساجد، و غير شافتو شهقات و ناضت كاتجري لعندو حضناتو من رجليه..
راسيل(بنبرة باكية نطقات): ساجد...(بالإيطالية) توحشتك بزاف...
ساجد(هزها كي حقق فعيونها الحمراء): لاش البكا (قبل خدها)
راسيل(عنقاتو):توحشتك...
ساجد(طبطب على ظهرها): حتى أنا...(شاف ففاروق و نطق بالداريجة) بخير؟
فاروق(وقف و مشا لعندو): بخير ا خالي...بغيت نسولك
ساجد(تنهد): سول
فاروق:واش ماما ما غاتجيش؟
ساجد: علاش ما غاتجيش...ماماك شي ايام و ترجع...راها مسافرة على قبل داك البيانو ديالها...
فاروق(حرك راسو): واخا ا خالي...و عمي زين؟
ساجد: مسافر معاها...
فاروق(بتاسم):بصح؟ صافي...
ساجد: واخا ما كاينينش...ما تسهرش و نعس بكري...قبل ما تنعس غسل سنانك...تفاهمنا؟
فاروق: تفاهمنا...
ساجد(عنكش ليه شعرو): و رد البال معاك لراسيل...
فاروق: كانرد ليها البال...
ساجد بتاسم ليه و يالاه بغا يهبط راسيل و هي تخشا فيه مزيرة عليه، بدات كاتحرك فراسها بلا و كاتبكي رافضة تتفارق عليه...
ساجد: خصني نمشي ا راسيل...
راسيل(بصوت طفولي): لا ما تخلينيش...بغيت نبقا معاك...
أنت تقرأ
أرويني بدماء جحيمك [Quench me with the blood of your hell]
Romance✨إِنْ كُنْتَ لا تُحِبُّنِي فأتركنِي أُحِبك و أكُون بقُرْبِك.... هَا أنَا مُسْتَعِدة لِحِمَاية من أَحْيَت قلبك.... وَ إنْ لَم أتَوَفَّق يا حبيبي فسَأطْلُبُ عَفْوك... ✨لا تحتاري كثيراً و اسأليني ما الذي سيداوي آلامي؟ أمتشوقة لسماع ردي و ي...