أرويني بدماء جحيمك [Quench me with the blood of your hell]

𝑃𝐴𝑅𝑇❀105

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀105

وجدان(قالت و هي هازة فيه حاجبها): ملي لمعت عيناه شنو وقع من بعد؟

ناجد(مسح العرق من جبينو و ساط أولا عاد قال): بالعزم انتفظت يمناه...

وجدان(ضحكات بسخرية): اهاه زيد كمل...

ناجد(بلع ريقو):في هدوء الليل...(نسا على تتمة الاغنية و زفر بإنفعال قبل ما يقول بنفاذ صبر) وجدان كانبغيك...تزوجي بيا...(هز الخاتم مبينو ليها)

وجدان(عيونها على الخاتم): هادشي كنتي مخطط ليه؟

ناجد(حرك راسو بالخف): اه...وهاد السرباية مسكينة هي لي عاوناتني...

وجدان(بحزن مصطنع): مسكينة...لدرجة عرفاتك ما فحالكش و عطاتك خاتمها

...(بالايطالية قالت):انا البنت لي كنتي حو يتيني ديك المرة فالسانسور..عقلتي؟

ناجد( غير سمعها اش قالت شافيها بالخف موسع عيونو كي نطق من تحت سنانو و بصوت خافت): سيري تقو دي من هنا بغيت لمك حبوبة فالكـ ـر...

رجع شاف فوجدان لقاها كاتناظرو بعيون حادة ممزوجة بنظرات الأسى و خيبة أمل، لحظات و شافها هزات البوشيط ديالها و وقفات قبل ما تقول...

وجدان:انا لي حمارة فكل مرة كانتيق فيك...

تخطاتو و مشات تحت انظار گاع لي تما و هما كي تأسفو لناجد عند بالهم غير رفضات طلبو للزواج، هاد الاخير لي زير على الخاتم بيديه و حدر راسو كي تنهد بندم، لحظات و سمع ديك البنت قالت...

...(بتساؤل):واش نيت نسيتيني؟

ناجد حول ليها عيونو كي ناظرها بغضب و ناض لاح ليها خاتمها و خرج كي جري تابع وجدان، دور راسو يمين و شمال ما بناتش ليه و غير شاف قدامو و هو يلمحها فالجهة الثانية من الشانطي كاتمشى و هي حاضنة دراعها و عيونها على الارض...

ناجد(بصوت عالي): وجدان...

وجدان سمعات صوتو و بدات كاتمشى بسرعة باش ما يلحقش عليها، في حين هو بغا يقطع الشانطي لكن السيارات كي دوزو بسرعة فائقة خلاوه يوقف شاد راسو بين يديه كي سوط و يعاير فالحظ السيئ لي عندو...