أرويني بدماء جحيمك [Quench me with the blood of your hell]

𝑃𝐴𝑅𝑇❀82

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هَــواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀82

ساجد بقا ملتازم الصمت و هو كي شوفيها مركز مع ملامح وجهها لي سنوات ما بقا شافهم، فنفس الوقت عقلو خدام كي فكر و كي طرح أسئلة ما لقاش ليهم أجوبة، كي دارت خرجات من ديك الجزيرة؟ أكيد ماشي بوحدها هربات من تما، و لا كان شي حد عاونها شكون يكون هاد الشخص..؟

حيد عيونه من عليها و حولهم لعند هادوك لي جالسين كي شوفو فيه، لمياء لي فرحانة و حابسة الضحكة،وجدان ، ليليان و ليسا لي كي تسناو فردة فعل ساجد، في حين زكية مراقباهم و على شفايفها ابتسامة دافئة، كانت مشتاقة لغزال و للمسة المميزة لي كاتضيف لعائلة عابدين...

غزال(هازة حاجبها كاتناظرة بعيون حادة):ما غاتسلمش؟

ساجد اخيرا وعى على راسو و هبط عيونو ليديها لي ماداها ليه باش يقبلها،حنحن برجولة و شدها من ديك اليد جرها لعندو معنقها، قبل خدها و نطق بنبرة هادئة...

ساجد: على سلامتك رجعتي لينا...توحشناك...

تسمعات ضحكة ساخرة نابعة من ثغر غزال، هاد الاخيرة لي ما مصدقاش بلي ساجد نطق بهاد الكلمات المزيفة، هو بنفسو لي نفاها فالجزيرة لسنوات بلا ما يسول فيها، طبعا ما غاديش يكون مشتاق ليها...

ساجد(بعد عليها كي حقق فملامحها):ما تبدلتيـ....

سكت موسع عينيه ملي جمعات قبضة يديها و عطاتها ليه النيشان لكرشو و بالضبط فأسفل بطنه، خلاتو يتأوه بصوت خافت متألم من اللكمة لي عطاتو، مغمض عيونه و مشنج ملامحه، في حين غزال رجعات خطوة للوراء كاتطلع فيه و تهبط قبل ما تقول...

غزال:توحشتيني؟...هادشي علاش غبرتيني فديك الجزيرة مخليني فيها بوحدي؟

ساجد(حل عيونه و عتادل فوقفتو قبل ما ينطق):لمصلاحتك...راك قاتلة مسؤول كبير فالصبليون...

غزال(ضحكات بسخرية):لمصلاحتي؟ ناوي تكمل فكذوبك؟

ساجد(تنهد من الاعماق): لا ما نكذبش عليك...(شافها حلات فمها باغا تهدر و شدها جرها لعندو معنقها) خليتي بلاصتك ا عمتي غزال...كنت باغي نرجعك من شحال و لكن خفت عليك...