🩸أࢪوينـــــــي بدمــــ♡ـــاءِ جحيـــــــمكَ🩸
🫀الفصـل الثالــث و الأخيـࢪ:دَع القَلْـــبَ يَهْـــوَى🫀
♡لَـوْ ذقـت يا غزالـي،ما ذُقْــتُ في هَــواك♡
✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀93
عند الوحش لي وصل عندو النائب و عطاه مهدن للألام خلاه يتكالما شوية، بقا مدة جالس متكي حتى تفكر ليسا و هو ينوض هز دوك المعدات ديالو و خرج من البيت بخطوات سريعة، هبط للتحت و هما يبانو ليه رجالو لي باقي واقفين قدام الغرفة لي فيها ليسا و زين، بتاسم بشر كي تخايل مشهد تعذيبه لهاد الاخير و سرع من خطاويه حتى قرب يوصل و هو يوقف ملي جاه اتصال، زفر بسخط و هزو جاوب...
الوحش(بإنفعال): اش بغيتو ا ولاد القحا ب؟
الرجل: سيدي...شي حاجة واقعة ورا القصر، بان ليا ضو حمر فالما...
الوحش(عقد حواجبو): ضو حمر؟ شنو يكون هاد الضو؟
الرجل: ما عرفتش ا سيدي...اجي تشوف بعينيك...يقدر يكونو عرفو الموقع ديالنا...
الوحش(بغضب): كيفاش عرفو الموقع ديالنا؟ كي غايديرو يعرفو؟(كشر ملامحو بإستياء شديد و نطق بغل) يكون بيناتنا خائن...ما تخايلوش شنو غاندير ليه...
الرجل:ما كانظنش ا سيدي...ما كاينش لي يتجرأ و يخونك...
الوحش(ساط بعمق معصب): هاني جاي...
قطع معاه و قرب للغرفة بانت ليه ليسا مسندة ظهرها على الحيط و مغمضة عيونها ناعسة، حول عيونو لزين بان ليه جالس بعيد عليها و حاط يديه على راسو كي تنفس بوثيرة سريعة، بتاسم بتهكم و نطق...
الوحش: غا صبر مازال ما بغيتك تمو ت...
نطق بهاد الجملة و حط المعدات حدا الغرفة عاد مشا من تما مخلي رجالو حارسين دوك الجوج، فنفس الوقت غزال و البقية كانو قربو لليابسة، علماتهم هاد الاخيرة باش يبقاو تحت الما و ما يبانوش دابا، لحظات قبل ما تسمع صراخ لمياء من خلال السماعات...
غزال(بأمر): وقفو وقفو...
كلهم حبسو و بقاو ساكتين كي سمعو صوت الصداع صادر من عند لمياء و ساجد، هاد الاخير لي غير وصل لعندها و شافها شعلات الفلام شدها شنق عليها بلا زيادة فالكلام و بقا هابط بيها للتحت...
لمياء(بصراخ): طلق....طلق...غزال...ناجد...
ناجد(مخسر سيفتو): لميا؟ اش واقع؟
أنت تقرأ
أرويني بدماء جحيمك [Quench me with the blood of your hell]
Lãng mạn✨إِنْ كُنْتَ لا تُحِبُّنِي فأتركنِي أُحِبك و أكُون بقُرْبِك.... هَا أنَا مُسْتَعِدة لِحِمَاية من أَحْيَت قلبك.... وَ إنْ لَم أتَوَفَّق يا حبيبي فسَأطْلُبُ عَفْوك... ✨لا تحتاري كثيراً و اسأليني ما الذي سيداوي آلامي؟ أمتشوقة لسماع ردي و ي...
![أرويني بدماء جحيمك [Quench me with the blood of your hell]](https://img.wattpad.com/cover/356577011-64-k425758.jpg)