أرويني بدماء جحيمك [Quench me with the blood of your hell]

𝑃𝐴𝑅𝑇❀124

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀124

ساجد خسر سيفتو حاس بألم رهيب فراسو بسبب الكاس لي تهرس عليه ، حط يديه على الجرح و بقا حابس الد.م و عيونو على لمياء لي واقفة فبلاصتها كاترجف و كاتناظرو بعيون غاضبة، شكلو ما أثرش فيها و لو شوية، انما بالعكس بغاتو يحس بآلام مضاعفة و لا نهاية لهم...

تنهد بضيق و قرب للكوافوز فين واقفة هز كلينيس و حطو على الجرح في حين هي غير شافتو قرب بعدات عليه ما حاملاش قربو ليها، حتى كي باغتها ملي شدها بالخف من يديها و جرها لعندو ناطق بنبرة هادئة...

ساجد: راسيل ما مشات فين...باقا كاتنفس...

لمياء(تنترات منو بالجهد و نطقات ببكاء مرير): مشات ا ساجد...ما تحاولش تكذب عليا و على راسك...راسيل ما تت صافي...

ساجد(عقد حواجبو بإنفعال و يديه مازال حاطها على راسو):ما كانكذبش...كنت عندها قبيلة و راجع لعندها دابا...راسيل ما ماتتش...

لمياء(شافت فيه و دموعها سيالة قبل ما تنطق بأسى):ما تت...راسيل ما تت...

ساجد(شدها من يديها ناطق بغضب): تحركي تشوفي بعينيك...

لمياء(ضر باتو فيديه ناطقة بصياح مصحوب بإستياء): بعد مني ما تحطش عليا يديك...گاع لي كاتقرب منهم كي مو تو...كلشي بسبابك...(شهقات وسط دموعها) نتا السباب فگاع المصايب...فالاول سيلين و دابا راسيل...

ساجد(غمض عينيه واخد نفس طويل، لحظات و حلهم كي ناظرها بإرهاق): لمياء...ماشي وقت هاد الهدرة...

لمياء(دفعاتو من كتفو حتى رجع خطوة للوراء): بعد مني...ما بقيتش بغيت نشوفك...بعد منا خرج من حياتنا...(قالت و دموعها شلال رافضين يحبسو) كي جيو من وراك غير المصايب...عمرنا فرحنا بسبابك...ديما كانبكيو بسبابك...(بصراخ) خرج بعد مني...

ساجد بقا ساكت كي شوفيها و هي كاتبكي بحرقة ثواني قبل ما تتخطاه و تمشي تجلس فطرف الناموسية، هزات ثاني تيشيرت راسيل و عنقاتو مزيرة عليه خلاتو واقف حاضيها بتمعن حتى حس بالكلينيكس كلو عمر بالد.م و مشا للدوش كي غسل فالجرح، عقمو و دار ليه فاصمة لي دغيا عمرات حتى هي بالد.م عاد خرج قاصد بيت راسيل...