أرويني بدماء جحيمك [Quench me with the blood of your hell]

𝑃𝐴𝑅𝑇❀127

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀127

زكية ملي سمعات ناجد تكلم بديك الطريقة مشات بالخف لعندو و وقفات حداه كاتشوف فالدريسينغ لي خالي تماما من أي حاجة كاتخص ساجد، كانو فقط اغراض لمياء في حين عطر واحد ديالو هو ما كاينش تما، حرفيا ما خلا وراه حتى حاجة تفكرهم بيه...

زكية بداو عيونها كي عمرو بالدموع من بعد ما فهمات بلي ولدها مشا و ربما عمره يرجع، اما ناجد حط يديه على جنابو و بدا كي سوط بغضب ممزوج بعتاب كبير هازو فقلبو من جهة ساجد، باغي يعاتبو حيت ختار ما يشاركش معاه احزانه و ختار يمشي بعيد و يحزن بينو و بين نفسو...

ناجد(بإستياء): مشا ولد الهم...

زكية(حطات يديها على قلبها و دموعها سيالة): ولدي...خليت ولدي بوحدو...

ناجد(شافيها و زفر بإنفعال): بلاش من الدموع الواليدة الله يرحم ليك الواليدين...

زكية(بعيون مُحمرة حزينة): ولدي ا ناجد مشا ليا...عمرو دارها...عمرو بعد علينا...

ناجد(ضرو خاطرو عليها و جرها لعندو معنقها): شتت...واش انا غانخليه يتهنى منا؟ برب حتى نقلب عليه و نرجعو بزز منو...

زكية(حضناتو مزيرة عليه و كاتبكي فحضنو بحرقة): ما خلا حتى حاجة وراه...مشا و دا معاه كلشي...

ناجد(طبطب عليها): غا تهناي ليا الواليدة...خويا بلاصتو معانا ما نساوخش بيه...

زكية(هزات فيه عيونها و نطقات وسط بكاءها): و لا هو سخى بينا؟

ناجد: لا فكاك منا...(قبل جبينها) باركا من البكا و تيقي فولدك..

زكية(بعدات عليه و مسحات دموعها قبل ما تتنهد و تنطق بأسى):يستاهل يمشي و يخلينا...يخليني انا بالضبط...حتى انا خليتو فالوقت لي كان خصني نكون معاه...

ناجد(شد يديها و جرها معاه): يالاه نرجعو للقصر...

هبطو للتحت و زكية هزات ديك الگصعة ديال الكسكس لي كان من المفترض يتغدا بيه ساجد، عاد خرجو من الڤيلا و رجعو للقصر بقلوب مُحطمة، مشاو لعند البقية لقاوهم مازال مجموعين مع بعضياتهم و وجدان هازة كلينيكس كاتمسح دموعها لي رافضين يتوقفو، حزنات على راسيل و على العائلة بأكملها و ضرها خاطرها ملي عرفات بلي فالوقت لي كانت هي و ناجد ناشطين و عايشين اسعد ايامهم كانو البقية عايشين أتعس اللحظات...