أرويني بدماء جحيمك [Quench me with the blood of your hell]

𝑃𝐴𝑅𝑇❀2

🩸أࢪوينـــــــي بدمــــ♡ـــاءِ جحيـــــــمكَ🩸     

الفصـــــل الأول:༒حـــــب،صـــداقة و دمـــاء༒

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀2

تخطاهم و مشا للمكتب ديالو مفقوص،جلس فالبيرو و هز الكارو شعلو كي نتر منو،عصباتو خرجاتو على طوعو،باينة فيها طايشة و ماشي من النوع لي كاتسمع للهدرة،مايقدرش يتحكم فيها و الى عطاها الحرية غادي تدير لي فراسها مافيهاش الشك...

هي ماعارفاش خطورة الأمر و مابغاو يقولو ليها والو لمصلاحتها،شد راسو كي فكر شنو يدير معاها،مايمكنش يبقا حابسها فبيتها و فنفس الوقت مايمكنش يخليها تدير ما بغات، فكر حتى عيا فالتالي تنهد بقلة حيلة و جبد التيلي ديالو يعيط على صاحبو و خوه

ساجد:فينك؟

ناجد:و عليكم السلام

ساجد:دوي

ناجد(شاف فوجدان لي كاتستف الفطور فوق الطبلة):فالدار لي فالمدينة علاش؟

ساجد:أجي للقصر بغيتك

ناجد:واخا شوية و نكون عندك....

قطع عليه و هز القهوة شربها دقة وحدة خلا وجدان غير كاتشوف...

ناجد(شافيها): شوية و غادي يوصلك الدوا داوي بيه راسك حسن ما تبقاي تمشاي ليا فركة

وجدان(حانية راسها): واخا ا سيدي

تخطاها و مشا خرج من الشقة، وجدان غير سمعات الباب تسد و هي تهز فيه راسها مخنزرة..

ساجد كان فلاصال و بالضبط فحلبة الملاكمة و لي فوسطها كاين كيس ديال الملاكمة،كان لابس القفازات و كي وجه لكمات قوية للكيس،مدة و هو على داك الحال ماعياش، حتى كي سمع صوتو من اللور

ناجد(بمزاح):شكون عصب ليا حبـ...(ضار عندو ساجد رمقو بشوفات خلاوه يحبس كلامو) ههه تهدن...

ساجد:طلع....

ناجد فهم كلامو و مشا لبس عليه حتى هو القفازات و طلع لعندو، ما هي الا لحظات حتى بداو فالكومبا،ضر بة من عندو و ضـ ربة من عند  ناجد،بقاو هاكداك لمدة ساعة حتى حبس ناجد كي نهج..

ناجد(تجبد فالارض): باراكا اخويا

ساجد: نوض

ناجد:لا عييت ا صاحبي
ساجد:هادشي كي عييك الحـ وا لا

ناجد: ز بي لي ما كي عياش(تقاد فالجلسة و دوا بجدية)شكاين تما؟