أرويني بدماء جحيمك [Quench me with the blood of your hell]

𝑃𝐴𝑅𝑇❀123

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀123

قبل دقائق و بالضبط فاللحظة لي ساجد طلق من راسيل و مشا يدوي مع السائق، كانت هاد الاخيرة تسللات للجردة بالتخبية و مشات وقفات حدا البيسين كاتشوفيه بحماس و هي عاضة شفايفها، مُعجبة بدوك الاضواء لي عليهم الوان كثيرة عند بالها حتى الماء لونو هاكداك...

لحظات و حيدات البلغة و بدون تردد غوتات بحماس و نقزات غاطسة فالما، الصرخة لي كانت سمعاتها ليلي لي كانت  خارجة من القاعة من بعد ما تفكرات تيليفونها لي نساتو فالطبلة، عقدات حواجبها بتعجب و قربات لمصدر الصوت حتى وصلات للبيسين و هي توسع عيونها ملي بانت ليها راسيل كاتضر ب بيديها على سطح الما و ترجع تغطس غرقانة...

ليلي رغم انها ما كاتعرفش تعوم بحالها بحال راسيل لكن بمجرد ما شافت داك المنظر لاحت تيليفونها و مشات كاتجري نقزات عندها ، شداتها من كول القفطان طلعاتها باش تاخد نفس لكن بحكم عدم احترافها للسباحة غطسات هي وياها، ما ستسلماتش و بقات كاتقا تل باش على الاقل تطلع غير راسيل هاد الاخيرة لي شربات الما بزاف و بدات كاترخى على وشك انها تفقد الوعي...

في حين ليلي من بعد ما ادركت انها ما تقدر لا تعتقها لا تعتق راسها بدات كاتبكي و فين ما تطلع لسطح الماء كاتغوت و ترجع ثاني تغرق، حتى لديك اللحظة فاش مشاو العرسان مع باقي الشباب و تحبس داك الصداع لي كانو منوضينو عاد قدرو البقية يسمعو غواتها لي من بعدو غرقات هي و راسيل...

مورتي كان اول واحد مشا كي جري لعندهم و غير شافهم كي غرقو حيد المونطو و تلاح فالبيسين، و الاخرين تبعوه مخلوعين من غير ساجد لي بقا هو الاخير من بعد ما سمع الغوات و دار يقلب على راسيل لي ما لقاهاش فالبلاصة فين خلاها، هنا مباشرة مشا بالو معاها و حس بلي هي لي واقعة ليها شي حاجة، من فرط الخوف و التوتر ما قدر حتى يتبعهم و بقا واقف كي بلع فريقو، حتى سمع غوات لمياء لي كاتردد إسمها مرارا و تكرارا...

لمياء(بصياح عالي): راسيل...راسيل....لا لا...

زين حط فاروق لي كان هازو و مشا قرب للبيسين، تحنى على ركابيه و مد يديه لمورتي لي جار راسيل و ليلي فنفس الوقت، حتى وصل لعندو و هز راسيل عطاها ليه، في حين هو شد فليلي لي لحسن حظها كانت مازال فايقة ما فقداتش الوعي، تعاونو عليها هو و العقرب حتى هزوها من الما و حطوها فالارض...