أرويني بدماء جحيمك [Quench me with the blood of your hell]

𝑃𝐴𝑅𝑇❀122

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀122

لمياء سكتات و بقات كاتشوف فساجد و هي محتافظة على نفس الابتسامة لي كانت راسمة على شفايفها،شوية وجهات انظارها لأليس لي كانت كاترمقها بنظرات تحدي واخا هاد الاخيرة ما فهماتش شنو قال ساجد بحكم تكلم بالداريجة،لكن حسات بيه قال شي حاجة لي خلات لمياء تلتازم الصمت ربما من الصدمة...

لمياء مدة و هي كاتنقل فأنظارها ما بين أليس و ساجد لي كي حقق فيها بتركيز و كي تسنا منها شي ردة فعل كيف ما متوقع، لكن بقات ملتازمة الهدوء حتى نطقات بنبرة باردة...

لمياء(بالداريجة): شكون اللولة انا و لا هي؟

ساجد(ببرود): باينة شكون...هي...

لمياء(غمضات عيونها و رجعات راسها للور كاتضحك):ياس...ياس...(هزات راسها و شافت فساجد) يعني زواجنا باطل...

ساجد: تقريبا...

لمياء(جمعات ضحكتها و حركات ليه راسها قبل ما تهز كاس ديال الما و ترشف منو):أحسن حاجة ممكن توقع هي هادي...أخيرا غادي نتفك من اكثر انسان كرهتو فحياتي...غير هو ما يمشيش بالك بعيد و يحساب ليك غرت عليك...(زيرات على رجولتو برجليها لي فوق حجرو قبل ما تنطق بحدة) فاش نقطـ ـع ليك هادا لي شانت بيه...

ساجد(بنفس نبرته السابقة قال): لا ماشي غيرة شنو تكون؟

لمياء: الشمتة...الشمتة ديال تكون موهمني بلي مزوج بيا و تقضي بيا الغرض كيف بغيتي....(شافت فأليس) من بعد و يا للصدمة كاتبان الزوجة الحقيقية....

ساجد(حرك راسو قبل ما يهز القفطان و يخبي سيقانها لي كانو باينين): فيلم ناضي الصراحة...

لمياء(شافت فرجليها لي كي خبيهم قبل ما تشوف فأليس و فصدرها لي نصو باين،ناطقة بطنز): و راك ماشي راجل بعدا....مخلي گاع الرجال يشوفو فيها...

ساجد(شاف فأليس و نطق بالايطالية): شهاد اللبس جاية بيه نتي؟

أليس(تقادات فالجلسة ناطقة بتساؤل): ما عجبكش؟

ساجد: ما عجبنيش...

أليس: ما عنديش مشكل نمشي نبدلو دابا لا بغيتي...