أرويني بدماء جحيمك [Quench me with the blood of your hell]

𝑃𝐴𝑅𝑇❀3

  🩸أࢪوينـــــــي بدمــــ♡ـــاءِ جحيـــــــمكَ🩸    

الفصـــــل الأول:༒حـــــب،صــداقة و دمـــــاء༒

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀3

لمياء(بتاسمات بجنب فمها، حطات ديها حتى هي على الطبلة و قربات ليها حتى قرب وجهها يلصق مع ديال سيلين):تعطيني فلوس الدنيا مستحيل نخون موسيو ساجد

سيلين(بعدات و رجعات تقادات فالجلسة):امم كلبة وفية(حركات راسها) اوكي..

وقفات و وقفات معاها لمياء،دخلات للقصر و حبسات،دارت عند لمياء لقاتها حتى هي وقفات،بتاسمات بشر و هي كاتوعد ليها بالجحيم معاها...

و كخطة شيطانية منها بقات سيلين غير كاتمشا بلعاني باش تعييها و لمياء تابعاها فينما مشات،واحد الوقت عيات سيلين و دارت تشوف لمياء أكيد غادي تكون حتى هي عيات، لكن لا لقاتها ما بيها والو...

خنزرات فيها و طلعات لبيتها،يالاه بغات تدخل لمياء و هي تسد ليها الباب على وجهها،تنهدات لمياء و بقات واقفة حدا الباب،في حين سيلين مشات تلاحت فوق الفوتوي شعلات التلفازة و جلسات كاتفرج...

دازو ساعات و لمياء باقا واقفة تما، كل مرة كاتبدل الوقفة و مرة مرة كاتدوز على عنقها بتعب،أما الثانية كانت ناعسة مجبدة فوق الفوتوي من بعد ما غفات و هي كاتفرج.

لمياء تحنات و جلسات مقردة فالأرض غير باش ترتاح شوية،و من بعد مدة سمعات الباب تحل و هي توقف دغيا، بانت ليها سيلين واقفة كاتشوفيها فرحانة عرفاتها عيات و هادشي لي بغات...

ضربات فيها و تمشات قدامها كانت لابسة ملابس رياضية، كولون كحل مزير و سوتيان فالاسود، غادا كاتمايل بقوامها و لمياء تابعاها من اللور، حتى هبطو للاصال لي لتحت و مشات سيلين كاتلعب فلي ماشين لي تما،في حين لمياء واقفة مقابلاها...

شوية سيلين شافت شي حديدات تما و بغات تجربهم،مشات تجبدات و مدات يديها للحديدة و يالاه هزاتها و هي تكوانسا ملي جاتها ثقيلة...

بقات كاتقفقف و تترعد ا قادراش تستحمل الثقل ديال الحديدة، جسمها كلو تزير و العروق فيديها برزو،كاتقا تل معاها حتى نفسها تقطعات،و الى مشات حتى طلقاتها غادي تهرس ليها صدرها، و موحال تبقا عايشة...

مالقات حداها غير لمياء لي تعتقها واخا ماحاملاش تطلب منها المساعدة، نطقات بدوك الحروف غير بزز و هي كاتستنجدها...