أرويني بدماء جحيمك [Quench me with the blood of your hell]

𝑃𝐴𝑅𝑇❀69

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـوَى🫀

  ♡لَــوْ ذقـــت يا غزالــي،ما ذُقْـتُ في هَـــواك♡ 

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀69

أشرقت الشمس و بأشعتها ضوات داك البيت بأكمله، لمياء كانت مسرحة فوق الناموسية و غارقة فالنعاس، حتى ضر باتها الفيقة و حلات عيونها كاتخسر فسيفتها،بدات كاتفوه و كاتدور فراسها كاتقلب عليه لكن ما لقاتوش،بقات مدة متكية حتى فاقت مزيان عاد حيدات من عليها الليزار و ناضت شادة أسفل بطنها...

خشات رجليها فالبانطوفة و تمشات بخطوات بطيئة لكن ثابتة في اتجاه الدوش، رغم ان تحتها كان كي حرق فيها لكن هادشي ما خلاهاش تبدل مشيتها، صبرات لداك الالم حتى وصلات للمراية و غير شافت انعكاسها و هي تصدم، حيدات السمطاي ديال الكسوة و هبطاتها حتى بان لحمها لي كلو مطبع بطباعي زرقاء مائلة للبنفسجي، عنقها، صدرها، كرشها حتى من فخادها و دراعها...

بقات مدة واقفة كاتشوف فراسها مصدومة شوية و هي ترسم على ثغرها ابتسامة شيطانية ماكرة، ربعات يديها و قالت بشر...

لمياء: دابا لا دعيتو بتهمة الاغتصا ب،  بالله حتى يتشد فالحبس و نتهنى منو...(كشرات ملامحها) تفو نسيت هو مافيوزي، عندو يد مع الدولة و البوليس...

تنهدات و لبسات كسوتها، خرجات من البيت و مشات للجناح،بانت ليها الناموسية لي تهرسات البارح و هي تهاجمها الجملة لي قالت ليه ملي كانت مرفوعة فعالم الشهوات، حطات يديها على جبينها و بقات كاتحرك فراسها يمين و شمال...

لمياء(نطقات و هي مفقوصة): اويلي على عافاك حو يني اويلي...(تفكراتو و هزات راسها كاتقلب عليه) هادا بعدا فين غبر؟

بدات كاتقلب عليه فالجناح و ملي ما لقاتوش خرجات و مشات لحدا الدروج، بقات كاتعيط عليه بسميتو لكن لا من مجيب، صغرات عيونها و ميلات شفايفها قبل ما تقول...

لمياء: هادا ياك ما حو ا ني و مشا و خلاني؟

مع كملات كلامها هاجمها الغثيان و حطات يديها على فمها راجعة للجناح، دخلات للدوش و بقات كاترد المرار، حتى سالات و قربات للافابو كاتغسل وجهها، تفكرات البارح فوسط النعاس فاقت تقيات و رجعات نعسات، تعجبات و ما عرفاتش هاد الردان شنو سببو...

فكرات و فكرات، و فاش ما لقاتش اجابة هزات كتافها بغير اهتمام و هبطات للكوزينة توجد ما تاكل من بعد ما جاها الجوع، سالات و جلسات ببطئ فوق الكرسي و بدات كاتفطر...