أرويني بدماء جحيمك [Quench me with the blood of your hell]

𝑃𝐴𝑅𝑇❀34

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀34

من بعد ديك الصرخة سيطر صمت رهيب فالمكتب،لمياء مغمضة عيونها و مزيرة عليهم رافضة تشوف صبعها مقطوع، كانت في انتظار تحس بألم لا يوصف فيدها لكن ثانية من ورا ثانية ما حسات بوالو، شوية حلات عيونها لي جاو مباشرة فالفاس و لي كان مغروس فالطبلة اما صباعها ما وقع ليهم والو..

ساجد(بعد عليها و قال ببرود): المرة الجاية ما نحنش...

شدها من يديها و جرها حتى وقفات و تقابلات معاه،سكت و بقا مراقب عيونها لي الاحمرار بدا كي تملكهم نتيجة الغضب لي كي سري فد.مها،شوية قال بنفس بروده المعتاد...

ساجد: ما تخلينيش نضرك... و سيري لبسيه دابا

طلق منها كي تسنا ردة فعلها،كان كي ختابرها، كلامو كان تهديد حقيقي و كل كلمة نطق بيها الا و عناها،و لا مشات حتى شدات الضد ثاني فغادي يقطع ليها صبعها لا محالة، رغم ان فداخلو كان صراع شرس، قلبو كان كي تمنى منها تدير بكلامو و عقلو كان كي قنعو باش يعاقبها لا دارت العكس،ما يبغيش يآذيها مازال لكن كلامو فوق الجميع و لا نطق بأمر لازم يتنفذ،شخصية أقرب من ان تكون نرجسية...

اما لمياء كانت متعبة، مهلكة، نفسيتها نجح فأنه يحطمها،غير ديك الثانية فاش ظنات بلي صبعها تقطع عذاب من نوع اخر، و حاليا ما بقا عندها فين تزيد...

بانت لمعة فعيونها و سرعان ما عطاتو بالظهر و خرجات مشات لبيتها،حلات الماريو و بدات كاتجبد فحوايجها و تلوحهم فالأرض بهستيرية باغا تلقا داك الخاتم بسرعة،حتى بانت ليها البواطة فين كاين و هزاتو كاتحل فيها و هي كاترجف، جبدات الخاتم و لبساتو، لاحت البواطة و خرجات راجعة لعندو...

دخلات للمكتب لقاتو متكي على البيرو مربع يديه و كي تسنا فيها،غير بانت ليه حول ليها انظارو من بعد ما كان مركزهم مع الارض و ساهي كي فكر، لمياء وصلات حتى لعندو و قابلات يديها مع وجهو كاتوريه الخاتم...

لمياء: رتاحيتي؟

ساجد عينيه على الخاتم كي شوفيه بتركيز مراقب بدقة كيفاش جاها مع يديها و زاد زينها، قبل ما يشدها من معصمها و يقربها ليه حتى لصقات معاه، دور ليها يديها و طبع قبلة عميقة على كفها خلاها تكشر ملامحها كارهة ملمس شفايفو على بشرتها...

ساجد(فصل القبلة و طلق يديها قبل ما يهبط يديه بجوج محاوط بيهم خصرها): دابا مزيان(بنبرة هادئة) بقاي هاكدا كاتسمعي للهدرة...لمصلاحتك...(هبط لوذنها و نطق بهمس قا تل بورش ليها لحمها) تديري عقلك و كلشي يولي مزيان...ترتاحي و نرتاح معاك حتى انا...تشدي الضد نضرك و نضر راسي معاك(هز راسو شافيها) فهمتي الكلام؟