أرويني بدماء جحيمك [Quench me with the blood of your hell]

𝑃𝐴𝑅𝑇❀24

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀24

ناجد:فايت ليها داخلة للحبس

ماكسيل(حرك راسو):اممم...ما عليش غادي نشوفو كي نديرو، الفلوس حل لكلشي

ناجد(ميل راسو كي حقق فيه):وصاك ليا البوص...نثيق فيك؟

ماكسيل(بتاسم):جرب و شوف

ناجد(بحدة):فاش كانجرب الواحد و كي طلع ما صافيش ما كانحنش

ماكسيل:خدمتي نعلمها لي خصها تعلمو...ما كاين لاش تشك...

ناجد(هز كاس القهوة ديالو رشف منو):الشركة ديالك فين كاينة؟

ماكسيل:فـ روما

ناجد(هز حاجبو):لمن مخليها؟

ماكسيل:انا قادر نتكلف بيها من بعيد...ما عنديش مشكل...

ناجد(حرك راسو):مزيان...(هز تيليفونو و وقف)نخليك دابا...حتى نعيط ليك...

ماكسيل:غادي نتسنا الاتصال ديالك...

ناجد(جبد الفلوس و حطهم فوق الطبلة):القهوة على حسابي

ماكسيل(بتاسم):مرة اخرى على حسابي

ناجد طبطب على كتفو بقوة و مشا،دار يديه فجيوب المونطو و بقا كي تسارا فشوارع المدينة،بان ليه واحد المحل خاص بملابس النساء و دخل ملي شاف ملابس شتوية،تفكر وجدان لي لاحظ بلي ما عندهاش بزاف حوايج البرد...

بقا كي حقق فالحوايج حتى جات عندو وحدة من الموظفات كاتعاونو يختار،خدا ليها مونطوات،تريكوات،سراول و بيجامات كلهم ملابس شتوية مناسبة للجو البارد ديال مدينة البنقدية،جمعو ليه داكشي فساشيات،خلص و خرج متوجه للدار...

كانت هي متكية فالفوتوي لي فالسيجور، حاطة راسها على المخدة و كاتفرج فالتلفازة،كانت كاتقلب على اي حاجة تلف بيها الوقت و تشغل بيها دماغها،ساعة من سوء حظها طاحت ففيلم حزين زاد على ما بيها و سيل دموعها لي كانو محتاجين غير السبة...

سمعات الباب كي تحل و مسحات دغيا دموعها،شافت فيه بان ليها داخل و مثقل،سد الباب برجليه و وجه ليها انظارو،غير شاف عيونها الحمراء عقد حواجبو و قرب ليها...