أرويني بدماء جحيمك [Quench me with the blood of your hell]

𝑃𝐴𝑅𝑇❀60

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀60

ليسا(حنحنات): اوا اللهم نتوحم على خويا و على شي حد غيرو...

ساجد(تنهد و نطق بتساؤل):اش درتي فداك البلان؟

زين(حيد عينيه من على ليسا و شاف فساجد):الغرض تقضى

ساجد(حرك راسو): معلم...

تفكر لمياء و ديك الساعة تخطاهم و مشا دخل للڤيلا،في حين ليسا يالاه بغات تبع خوها و هي توقف ملي سمعاتو قال...

زين: نتي بخير؟

ليسا(بلا ما تدور لعندو نطقات بجفاء):بخير الحمدلله

زادت خطوة اخرى و هي تبلع ريقها ملي حسات بيديه تحطات على يديها، غمضات عيونها حاسة بخفقان فالقلب غير طبيعي...

زين:ملي لابسة حوايجك...يالاه نمشيو دابا للطبيبة نشوفو بلانك...

ليسا(نترات يديها بشوية و دارت لعندو): الخمسة هادي غادي يكونو سالاو...

زين: باقا كاتحسي براسك عيانة؟

ليسا(تنهدات و ميلات عيونها): لا...و نهار نحس براسي عيانة(شافت فيه و نطقات بحدة) عندي خويا لي يديني للطبيب...(هزات حاجبها) علاش غادي نمشي مع وا تمنى ليا المو ت؟

زين(زفر): داك النهار ما قصد...

ليسا(قاطعاتو): كاتبقا قلتي لي فقلبك...سوا قصدتي سوا لا...

و قبل ما ينطق بحرف اخر و يزيد يغرقها فبحر عميق من الحيرة، عطاتو بالظهر و دخلات للڤيلا، خلاتو واقف كي شوفيها و كي سوط بعدم ارتياح، عارف كلماتو داك النهار كانو بمثابة سكين حاد طعن بيه قلبها لمئات المرات...

باق واقف تما ساهي كي فكر حتى حس بيد تحطات ليه على كتفو و دار بالخف يشوف شكون، و غير شافو تنهد و نطق...

زين: نتا هادا...

العقرب: هو هادا...دابا قوليا واش ممكن ندخلو راه عييت و انا كاندور فهاد الشمس

زين: ملي ما قاليا والو يعني نقدرو ندخلو...

العقرب: اوا زيد ندخلو ا خويا انا راه غايهرب ليا معاكم