أرويني بدماء جحيمك [Quench me with the blood of your hell]

𝑃𝐴𝑅𝑇❀17

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀17

لمياء مع الدفعة لي دار ليها فقدات توازنها و كانت غادي تطيح كون ما تحكماتش فراسها،و ما جات فين تدور حتى كاتوقف مصدومة ملي سمعات الكلاب كي نبحو و صوتهم قريب بزاف،دارت ببطئ لمصدر الصوت و هما يبانو ليها حداها كي ستعدو للهجوم،كانو كي تسناو منها تدير شي حركة لي تخليهم يحسو بالخطر و يهجمو فالبلاصة...

لمياء من فرط الرعب لسانها تربط، غير صوتهم و هما كي نبحو و شكلهم المرعب كان حكاية خوف تقشعر لها الابدان،ما بقاتش قادرة تزيد تشوفيهم و هي تغمض عيونها،جمعات يديها عندها مسرحاهم فوق فخادها و ما تحركاتش بتاتا...

هادشي دارتو كرد فعل للخوف لي كاتحس بيه، لكن ما كانش فخبارها بلي هادي الطريقة المثالية باش تهدنهم و ما يحسوش بيها كاتشكل عليهم خطر، بقاو مدة كي نبحو شوية سكتو و واحد قرب ليها كي شم فيها...

بلعات ريقها و هي كاتحس بيه عند رجليها،شوية حلات عيونها ببطئ و شافت فيه لقاتو كي تحاك معاها،هنا بدا الخوف كي مشي تدريجيا،شافت فلاخور لقاتو كي دور على الكوخ مبعد عليها...

مدات يديها بحركة بطيئة لعند الكلب لي حداها و حطاتها على راسو كاتمسح على الفرو ديالو بحنان،في حين هو الخطر لي كان كي حس بيه من جيهتها فالاول تحول لآمان،بقا كي تحاك معاها و حتى هي تنهدات براحة و تحنات لعندو كاتلعب معاه...

الثاني شافهم و جا لعندهم كي لحس ليها فحنكها و هي كاتبعد وجهها و تضحك،ساجد لي كان واقف برا غير سمع صوتها و هي كاتضحك عقد حواجبو و حل الباب...

وقف مصدوم كي شوف فالكلاب لايحينها فالارض كي لعقو فيها و هي فرحانة كاتضحك معاهم،بتاسم بسخرية ما مصدقش هاد المشهد لي قدامو و بدا كي دور عيونه على الكوخ، بانت ليه واحد العصا تما و مشا هزها عاد قرب لعندهم...

هزها حتى للفوق و دار راسو غادي يضـ ربهم و غير شافوه هربو من تما كي جريو خايفين منو،لمياء تقادات فجلستها و هزات فيه راسها كاتخنزر فيه...

لمياء:كون دخلتي و لقيتيهم هنشروني كنتي تفرح...

ساجد(نطق بحدة):المرة الجاية يدك تحط عليا نلوح عدو ربك للسبوعة

لمياء ميقات فيه و ناضت كاتسوس فحوايجها،دورات عيونها كاتشوف فالكوخ لي كانت غير الشوفة فيه كاتخلي الانسان يحس بالدفئ،كان عبارة على غرفة واحدة مفتوحة مقسومة على سيجور و كوزينة،فيها غير فوتويات مقابلين مع الشوميني و فالحيط كاينين رفوف ديال الكتب...