أرويني بدماء جحيمك [Quench me with the blood of your hell]

𝑃𝐴𝑅𝑇❀75

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هَــواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀75

ليسا: نعام ا ستاذ؟

المدرب: علاش ما جيتيش اليوم؟ كانت عندك حصة تدريبية...

ليسا(تنهدات): ما قدرتش نجي، عنقي عواج ليا فالصباح مبرزطني...

المدرب: نتي بخير؟

ليسا: غير نرتاح نولي بخير، غدا نجي ما تخافش...

المدرب: واخا، كانتمنى ليك الشفاء...

ليسا(بتاسمات): شكرا...

قطعات معاه و دارت ببطئ باغا ترجع، و غير شافت جسدو الضخم و هو واقف عليها شهقات و رجعات للور، تأوهات بألم ملي حركات عنقها و حطات عليه يديها مخنزرة، لحظات و هزات فيه عيونها بلا ما تحرك راسها...

{الحوار بالداريجة}

ليسا(بعتاب):ما كاتديرش الحس؟

زين(قرب ليها): شكون هاد الاستاذ؟

ليسا: المدرب ديالي، شكون غادي يكون مثلا

زين(هز حاجبو قبل ما يخشي يديه فجيوب السروال):قداش هاد المدرب؟

ليسا: كبير

زين(جبد يديه و بقا كي حك حاجبو و هو كي حقق فيها، لحظات و قال):غدا ما غاتمشيش للمعهد، حتى نلقاو وقت انا و خوتك و نمشيو نشوفو بلان داك المدير الجديد...

ليسا(بتاسمات بسخرية): اياه..اوا و بصفتك شكون كاتعطيني فهاد الاوامر؟

زين(بهدوء): راجلك...و بات بنتك...

ليسا: و هاد راجلي، عاد ولا راجلي مسكين ياك؟ علاش ما كانش راجلي فاش كنت نضل نعيط ليه و كي قطع عليا؟

زين(حرك راسو):ماشي مشكل،من اليوم وليت راجلك...(هز حاجبو) مزيان دابا؟

ليسا(عقدات غوباشتها): لا ما مزيانش...(بحدة) و داكشي لي درتي الصباح اخر مرة يتعاود...

زين(بتساؤل): شنو درت؟

ليسا:ما تبقاش تقرب ليا...