🩸أࢪوينـــــــي بدمــــ♡ـــاءِ جحيـــــــمكَ🩸
🫀الفصـل الثالــث و الأخيـࢪ:دَع القَلْـبَ يَهْـــوَى🫀
♡لَـوْ ذقـت يا غزالـي،ما ذُقْــتُ في هـواك♡
✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀116دقائق من الدهشة و بدات كاترجع لوعيها، خدات نفس طويل و زفراتو قبل ما تحط الاختبار فوق لافابو و تبدا تغسل فوجهها باش تفيق كليا من صدمتها و تعطي مجال لعقلها يفكر...
مسحات وجهها بفوطة و تقابلات مع المراية كاتناظر انعكاسها و مشاعر مبهمة مهاجمين حواسها، لحظات و هزات التيشيرت حتى بان بطنها العاري و بدات كاتحسسو بيديها بحنان،مازال لحد الان ما مصدقاش بلي هنا كاين طرف منها، جنينها لي عمرها فكرات بلي غادي يتزرع فيها فهاد الوقت بالضبط....
قفزات من بلاصتها ملي سمعات صوتو و هو كي نادي عليها و ديك الساعة هزات الاختبار خباتو فجيبها،دوزات بيديها على وجهها و تنفسات من الاعماق عاد حلات الباب و خرجات من الدوش، بان ليها واقف فالبيت كي دور فعينيه و غير شافها بتاسم و قال...
زياد: الكسولة...
سارة(خسرات سيفتها): اش باغي على الصباح ثاني؟
زياد: الصباح؟ 12 د النهار هادي...
سارة(تخطاتو و مشات جلسات فوق الكرسي قبل ما تنطق بحدة): اخر مرة تفزگ ليا الناموسية ديالي...(جبدات تيليفونها)
زياد(ضحك): دابا بزز منك غاتجي تخشاي حدايا...عرفتي علاش؟
سارة(عيونها على التيلي): علاش؟
زياد: داخل البرد العمر...ما تقدريش تنعسي فالسيجور...
سارة(هزات فيه عيونها و سكتات للحظات و هي كاتحقق فملامحه قبل ما تنطق بتساؤل): علاش هادشي كامل؟
زياد: بغيت مراتي حدايا...ماشي من حقي؟
سارة:نتا...(بتردد) باغي تولي عندك عائلة؟
زياد(بتاسم): باغي اه...(قرب ليها و شدها من يديها وقفها) اي حاجة غاتوقع ليا و نتي معايا انا باغيها و راضي بيها...سوا كانت زوينة سوا كانت خايبة...شفتي لا كنت غانمو ت و نتي حدايا غانمو ت فرحان برب...
سارة(بتاسمات بتهكم): شحال كاتضحكني بهاد الهدور، لي سمعك يقول هادا هو العاشق الولهان...هو الراجل ديال الصح...
أنت تقرأ
أرويني بدماء جحيمك [Quench me with the blood of your hell]
Romance✨إِنْ كُنْتَ لا تُحِبُّنِي فأتركنِي أُحِبك و أكُون بقُرْبِك.... هَا أنَا مُسْتَعِدة لِحِمَاية من أَحْيَت قلبك.... وَ إنْ لَم أتَوَفَّق يا حبيبي فسَأطْلُبُ عَفْوك... ✨لا تحتاري كثيراً و اسأليني ما الذي سيداوي آلامي؟ أمتشوقة لسماع ردي و ي...