أرويني بدماء جحيمك [Quench me with the blood of your hell]

𝑃𝐴𝑅𝑇❀128

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀128

ساجد لاح الفأس و حط يديه على يديها لي محاوطين خصرو و حيدهم ليها قبل ما يدور لعندها كي ناظرها بملامح باردة، هاد الاخيرة لي زادت وسعات ابتسامتها و يالاه حلات فمها بغات تدوي و هو يقاطعها ملي نطق بصوته الرخيم...

ساجد: مازال ما غاتمشيش؟

أليس(عبسات بملامحها): ما بغيتش...بغيت نبقا مازال معاك....(شدات فيديه) واش انا اخيرا لقيتك و كاتقوليا نمشي؟

ساجد(طلعها و هبطها قبل ما يعطيها بالظهر كي هز الحطب):رجعي فحالك...هنا غاتجمدي بالبرد...

أليس(عضات شفايفها): لا بقيت معاك ما غاديش نتجمد...

ساجد(هز الحطب و عتادل فالوقفة): كي درتي لقيتيني؟(تخطاها متوجه للكوخ و تبعاتو من اللور كاتضحك)

أليس: شهر و انا كانقلب ا دياڤولو...كنت غادي نحماق...قلبت فگاع الاماكن لي ممكن تكون فيهم...و البارح فجأة طاح فبالي هاد الكوخ لي كنتي بنيتي بيديك فاش كانت عندك 25 عام...(كشرات ملامحها) 25 ياك؟

ساجد(لاح الحطب فالموقد لي فالحيط ديل السيجور عاد دار لعندها): 24...

أليس(هزات حواجبها): ايه 24 عام...المهم كنت شاكة ما تكونش هنا و لكن فاش فكرت بطريقتك قلت نزعم و نجي نتأكد...

ساجد(بتساؤل): شنو هي طريقتي؟

أليس(بتاسمات): قلت مع راسي غادي تكون فشي بلاصة قريبة....فروما نيت حيت حتى حد ما يطيح ليه فبالو بلي غادي تكون قريب...و فعلا خوتك و شباب المافيا كلهم كي قلبو برا روما...(غمزاتو) الا انا...

ساجد(سكت كي حقق فيها بتمعن لثواني قبل ما ينطق بنبرة آمرة لا تقبل النقاش):فين انا كاين...حتى حد ما يعرفها(هز حاجبو بتحذير) يوصلني شي حد هنا نعرفك نتي مولاتها...ما نرحمكش...

أليس(وسعات عيونها): لا لا...ابدا واش نقولها لشي حد...(قربات ليه كاتدوز بيديها على دراعو الضخمة) انا اصلا بغيتك تبقا بوحدك و ترتاح من صداع عائلتك و المافيا...(حققات فعيونو النظرة) عرفتك مهلوك و جيتي لهنا باش تخوي راسك من المشاكل...