أرويني بدماء جحيمك [Quench me with the blood of your hell]

𝑃𝐴𝑅𝑇❀101

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هـواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀101

العقرب بقا جالس فبلاصتو كي شوفيهم و هو عاقد حواجبو بعدم ادراك، زين، ناجد و ساجد غير سمعو كلام المحقق دارو لعندو كي ناظروه بإستغراب، حتى بان ليهم المحقق كي قرب ليه و هو كي قاد فالمينوط و هما ينوضو بثلاثة دافعين كراسيهم حتى طاحو مع الارض و مشاو وقفو قدام داك المحقق...

{الحوار بالإيطالية}

ساجد(بنبرة رخيمة نطق بتساؤل):شمن اعتد اء و اغتصا ب؟

المحقق(ركز فيه انظارو):بالسيدة لي نتا حرات فالعيادة ديال بنت عائلتكم...(عقد حواجبو) بركات كانظن(شاف فزين) بنت عمك...

زين(كشر ملامحو): لي نتا حرات؟

ساجد(تدخل و قال): لي نتا حرات ما عندهاش علاقة بينا و لا بهادا لي حطيتي عليه هاد الباطل...

المحقق(تنهد): سي عابدين...ما تصدرات مذكرة الاعتقال الا و الدليل كاين و موجود...الضحية قبل ما تنتا حر كتبات شي حاجة فورقة و لي هزاتها بنت عمكم...هاد الورقة شحال و انا كانحاول نعرف شنو تكتب فيها و فتسجيلات الكاميرا كان واضح بلي هي لي هزاتها، جوج سيمانات و انا كانحاول معاها تقوليا شنو فيها و عاد اليوم عتارفات لينا..

ساجد(بإستفسار): شنو مكتوب فالورقة؟

المحقق(شاف فالعقرب لي جالس بهدوء، مربع يديه و كي شوفيهم): مكتوب فيها "العقرب غتا صبني"...

زين و ناجد وسعو عيونهم على الاخر و دارو كي شوفو فالعقرب لي أخيرا حل فمو و نطق بتساؤل...

العقرب: شنو سميت لي نتا حرات؟

المحقق: جوليانا إستي

العقرب غير سمع اسمها غمض عيونو بحسرة و حزن، لحظات و شد راسو بين يديه كي سوط بصوت مرتفع واصل لمسامع البقية، زين و ناجد فاش شافو ردة فعلو حسو بلي ربما يكون فعلا مذنب بهاد التهمة لكن رغم ذلك شكوك كثيرة كاتحاوط اذهانهم و لحد الساعة ما يقدروش يتخايلو بلي العقرب ممكن يتخطى الحدود لي راسماهم مافيا الد.م الأسود...

المحقق: كانظن كاتعرف الضحية من بعد هاد ردة فعل؟

العقرب(هز راسو و شافيه بعيون ذابلة غير مصدقة لما حدث): كانعرفها...كانعرفها و لكن ماشي انا...