أرويني بدماء جحيمك [Quench me with the blood of your hell]

𝑃𝐴𝑅𝑇❀58

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀58

كانت طفلة صغيرة عمرها لا يتجاوز الثلاث سنوات،كانت كاتمشى بخطوات صغيرة و غير متوازنة نفسهم الخطوات لي خلاو ساجد يدور باش يشوفها، تصدم و الصدمة ربطات ليه لسانو، ما كانش متوقع تكون فهاد العمر، كان كي ظن بلي حفيدتو عمرها فايت عشر سنين و ماغاديش يلقا معاها شي مشكل كبير، انما هادي لازمو ليها مجهود كثير، لازمو يكون ليها الأب...

راسيل ذات 3 سنوات،كانت بيضاء البشرة شعرها أشقر قصير و عيونها ملونة، لابسة كسوة مزينة بأشكال الورود، هازة نونوس صغير فيديها و جاية عندهم كاتتمايل فمشيتها بسبب صغر سنها، حتى وصلات و مشات مباشرة عند جدها حطات يديها الصغار على فخدو...

راسيل(بصوت طفولي): جدي...

رافاييل(بتاسم و هزها حطها فوق حجرو، طبع قبلة على خدها و نطق): فطرتي ا بنتي؟

راسيل(حركات راسها و هي كاتشوف فساجد): اه...

رافاييل(هز فيه عينيه بان ليه ساهي كي حقق فراسيل، بتاسم و نطق): هادي هي حفيدتي...عائلتي الوحيدة لي بقات عندي...مها ما تت من بعد ما وقع ليها نزيف حاد فالولادة ديالها...

ساجد(حنحن كي تقاد فجلستو،شاف فرافاييل و قال):فين باها؟

رافاييل: ما عندهاش...باها كان صاحب بنتي و تفارقو قبل ما تعرف بلي راها حاملة...ختارت تتحمل مسؤوليتها بوحدها بلا ما تقولها ليه...(تنهد بضيق) لكن للأسف المو ت خانها...

ساجد(شاف فراسيل و رجع شاف فرافاييل، قبل ما ينطق بتساؤل): شحال فعمرها؟

رافاييل:يالاه كملات 3 سنين

ساجد(عقد حواجبو):باش حسن مني الميتم؟

رافاييل(كشر ملامحو): مستحيل...واخا نعرف نديها معايا و لا نخليها للميتم...

ساجد(دوز على وجهو متردد):ما غانقدرش نتحمل مسؤوليتها...راها صغيرة بزاف...

رافاييل(حطها و بعدات عليهم كاتعلب بنونوسها): ما غاتلقاش معاها مشكل...هادئة و كاتسمع للهدرة...

ساجد رمى عيونه ناحيتها كي شوفيها و هي جالسة فالگازون و كاتلعب في هدوء، زفر بحيرة ما عرف ما يدير، لقا راسو بين نارين يا اما يقبل بالشرط و يتحمل مسؤولية طفلة صغيرة، و لا يرفض و يضطر يقلب على قصر اخر بنفس المواصفات، و طبعا غادي تكون مهمة صعبة، ربما اصعب من تربية راسيل...