أرويني بدماء جحيمك [Quench me with the blood of your hell]

𝑃𝐴𝑅𝑇❀71

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـوَى🫀

  ♡لَــوْ ذقـــت يا غزالــي،ما ذُقْـتُ في هَـــواك♡ 

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀71

أنهى المكالمة لي صدر فيها أوامره، و رجع وجه انظاره للبحر مراقب امواجه و هما كي تضر بو مع الجرف، فنفس الوقت كي فكر فلقائو بيها و كيفاش غادي يكون، أكيد ماغاديش يكون ساهل و هي تخطاتو و كملات حياتها مع شخص اخر، طبعا غادي تكون نساتو و محاتو من عقلها، و لو كان مستوطن قلبها قبل فغادي تكون طهراتو منو، كانو هادو هما افكار ناجد فهاد اللحظة، قبل ما يتفكر حاجة اخرى و لي عكرات ليه المزاج كثر ما هو معكر...

تفكر ساجد و الوعد لي عطاه، و دابا لا كان مصيره هو المو ت فعلاش غادي يربطها بيه و هو ما دايمش ليها، خسر سيفتو منزعج، غاضب و مستاء، و ديك الساعة هز التيلي ديالو و عيط ليه، لحظات و جاوبو بصوته الرخيم...

ساجد: اش تما؟

ناجد(بحدة): سمع...غانسولك سؤال و جاوبني بلا تقحـ  بين...

ساجد(هز حاجبو): تقحـ بين؟ شكون لي فيه التقحـ بين؟

ناجد: انا، غا جاوب

ساجد: ارا ما عندك...

ناجد: الهدرة لي قلتي ليا البارح، راني ناوي ندير بيها

ساجد: قلت بزاف

ناجد: غانمشي عندها...غانرجعها ليا...

ساجد: الله يسخر(عقد حواجبو)و مال كـ ري فيك انا؟

ناجد:عاطيك وعد...تقتـ لني و تاخد حق سيلين مني...(بلع ريقو بتوتر قبل ما ينطق بتساؤل) هاد الحق مازال غاتاخدو؟

ساجد(سكت لثواني خلا فيهم قلب ناجد ينبض بسرعة، قبل ما يقول بنبرة خشنة): سير عندها...

ناجد(وسع عيونه بصدمة):داوي من نيتك؟

ساجد(بحدة): وا سير تقو د لا بغيتي تقو د عندها...

ناجد(بتاسم فرحان): العز...ما غانساهاش ليك

قطع معاه و ديك الساعة ركب فالاوطو ديالو و ديمارا متوجه لفين كاينة الهيلكوبتر و هو فرحان، الوعد لي بسبابو تخلى عليها ما بقاش ليه وجود و دابا بإمكانو يرجعها ليه و يملكها الى الممات...