أرويني بدماء جحيمك [Quench me with the blood of your hell]

𝑃𝐴𝑅𝑇❀77

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هَــواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀77

ليسا شهقات بصدمة و هي كاتشوف البيانو ديالها كي تهرس من طرف زين، هاد الاخير لي فقد اعصابو و غاب عقلو بالمرة،العقلانية ما بقاش ليها وجود حاليا فقاموسو، انما خلا الغضب يتملك جميع حواسه و كتعبير لداك الغضب لقا داك البيانو هو اسهل وسيلة...

لكن بفعلتو خلا عيون ليسا يدمعو،و ما هي الا لحظات و بدات كاتبكي بصوت مرتفع حتى سمعها زين و حبس من التهراس، دار كي شوفيها و صدرو كي تهز و يتحط، تنفسه غير منتظم و عروق يديه كلهم برزو من فرط الاستياء، لكن غير شاف دموعها السيالة بلع ريقو و دوز على وجهو بيديه على امل يتهدن شوية...

ليسا و هي كاتشوف البيانو ديالها لي تدربات عليه لشهور مهرس، حسات بلي گاع احلامها معاه تهرسو، موهبتها كذلك و المجهود الكبير لي دارت طوال هاد الفترة، هي الاخرى فقدات سيطرتها على اعصابها و مشات لعندو كاتضر ب فيه و تبكي و تشهق....

ليسا: لاش هرستي ليا البيانو...(ببكاء هيستيري) لاش الحمار لاش...شنو دار ليك البيانو ديالي...

زين(شد ليها يديها بجوج بيد وحدة و ناظرها بعيون غاضبة):مازال كاتدوي؟ لاش غادا للمعهد؟ شنو قلت ليك انا؟

ليسا(بصراخ و دموعها سيالة): ما تقولش ليا...ما سوقش فيا اصلا...عطيني بالتيساع كيف ما كنتي عاطيه ليا من قبل....رجع كي كنتي و خليني عليك...(علات من نبرة صوتها و نطقات بحرقة) بعد مني...

زين(زير على يديها بجوج و بنبرة مستاءة نطق و هو هاز حاجبو):ليسا...ما تخلينيش نمد عليك يدي...

ليسا(كاتحاول تنتر يديها منو): طلق مني...بهادشي لي درتي راك مديتي عليا يديك مليون مرة...

زين(خفف من قبضة يديه و بقا شادها خايفها لا تنهار،قبل ما ينطق بنبرة هادئة على أمل تتهدن حتى هي):المعهد هاد الفترة ما صالحش ليك ا ليسا...علاش كاتشدي الضد؟

ليسا(حمرات فيه بعيونها الدامعة): طلق مني نمشي عند خويا....هو لي غادي يتفاهم معاك(شافت فالبيانو ديالها و بدات ثاني كاتبكي مقهورة) البيانو ديالي مشا....ما نسمحش ليك....

نترات يديها بالجهد و عطاتو بالظهر غادا خارجة ناوية تمشي عند خوها و تشكي عليه ما دار فيها زين،هاد الاخير لي خلاتو يزيد يشعل كثر ملي عرفها فين بغات تمشي و ديك الساعة تبعها و شدها من يديها جرها معاه....