أرويني بدماء جحيمك [Quench me with the blood of your hell]

𝑃𝐴𝑅𝑇❀52

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀52

بفضل خفة ليسا قدرات تتفادى السلسلة ملي رجعات بجسدها للوراء و تحنات للأرض حاطة يديها عليه مكالية بيها توازنها، و بنفس الخفة رجعات وقفات ثاني و هزات عليها السلاح حاطة صبعها على الزناد ناوية تيري فيها بلا تردد...

لكن للأسف حتى جيهان كانت سريعة و خفيفة فحركاتها، و فديك الثانية لي وقفات فيها ليسا كانت هي جرات السلسلة لعندها و مع هزات عليها يديها عاودات لاحتها عليها و دورات السلسلة على دراعها حتى لواتها ليها و طاح السلاح...

ليسا كشرات ملامحها كاتنين بألم لكن رغم الألم لي كاتحس بيه حافظات على تركيزها و مدات يديها لورا ظهرها باغا تجبد سلاح اخر، حتى كاتشهق ملي جراتها جيهان بديك السلسلة و جابتها لعندها...

و غير وصلات لعندها باغتاتها بلكمة قوية لوجهها حتى تجرحات من جنب شفايفها،خلاتها مغمضة عيونها كاتحارب نفسها باش ما تغيبش و هنا ستغلات الفرصة و دورات عليها السلسلة حتى جمعات ليها يديها بجوج مع بعضهم و خلات الجهة لي فيها المسامر مدلية فالارض...

جيهان(بتاسمات بإنتصار): ليسا عابدين...و لا نقولو ليسا بركات(هزات حاجبها كاتقرص خدود ليسا) كيفاش هاد الفنيكيشة فكرات بلي تقدر تغلبني همم؟(زيرات عليها بالسلسلة ليديها حتى تأوهات متألمة) سمحي ليا و لكن نتي فهاد اللحظة...غاتخلصي ما دار راجلك فسيدي...(شداتها من فكها ضغطات عليه حتى حلات ليسا عيونها و نطقات بهمس) تسبب ليه فعاهة مستديمة فرجلو...و انا غانتسبب ليه فإعاقة دائمة لمرتو...

مدات يديها لورا ظهرها باغا تجبد السيف و فنفس اللحظة هزات ليسا ركبتها و عطاتها ليها لكرشها حتى تزوات و تحدرات حاضناها،ليسا فهاد الوقت رجعات باللور كاتفك فيديها حتى تفكات و شدات السلسلة لواتها على يدها،شافت فجيهان و ديك الساعة شيرات عليها بيها و بالضبط لبلاصة لي فيها المسامر،جابتها ليها مباشرة لكتفها حتى تغرسو فيها...

جيهان صدرات صرخة من الاعماق متألمة في حين ليسا طلقات من السلسلة و خلات الجهة لي فيها المسامر مغروسة فكتف جيهان،بقات كاتشوفيها و هي كاتوجع بألم قبل ما تحط هاد الاخيرة يديها على السلسلة و نتراتها بالجهد حتى ترش الد.م...

ليسا(ميلات راسها كاتشوفيها):و هاد سيدك هو لي صيفطك تجيبي ليه حقو؟(كاتدور فعينيها كأنها كاتقلب عليه)فيناهو ما بانش ليا؟علاش ما جاش برجليه ياخد حقو مني(شافت فيها و هزات حواجبها قبل ما تقول بسخرية) اه نسيت...عرج...