أرويني بدماء جحيمك [Quench me with the blood of your hell]

𝑃𝐴𝑅𝑇❀37

🩸أࢪوينـــــــي بدمــــ♡ـــاءِ جحيـــــــمكَ🩸     

🗡الفصــــــــل الثـــــــاني:ثــــــــأر قاســـــــي🗡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀37

لا مفر منه، أدركت معنى هاد الكلمة و قتانعات بيها مزيان فهاد اللحظة، كان عندها أمل صغير فأنها تهرب من قبضته لكن الامل تلاشى ملي دخلات و شافتو باقي حي انما الرجل لي من المفترض يقتـ ـلو هو لي صدق مقتـ ـول...

سمعات خطاويه و هو كي قرب ليها، كانو خطاوي نابعين من شخص واثق من نفسو، قدرات تلتامس شعورو بالانتصار غير من صوتهم، حتى وصل لعندها و هزات فيه عيونها الدامعة لي بداو كي حمارو،و لي زاد الاحمرار تملكهم كثر فاش شافت منو نظرات استهزاء و سخرية ليها، كأنه كي ضحك على خطتها الفاشلة و على غبائها...

ساجد(ميل راسو كي شوفيها و قال بنبرة ساخرة):ياك ما قرب ليك؟

لمياء(رمقاتو بنظرات غاضبة و قالت من تحت سنانها):ما كرهتوش كون قتـ ـلني...

ساجد(بتاسم بإستهزاء و قال ببرود):شنو قلت ليك انا البارح؟(شاف فجـ  ـثة داك لي مليوح فالارض و راسو مثقوب برصاصة)ياك قلت ليك ما غانضحيش بعائلتي(رجع شافيها و قال) على قبلك؟

لمياء(زيرات على يديها و قالت بإستسلام):انا لي جبتو باش يقتـ ـلك...انا السبب...قتـ ـلني...

ساجد(ميل راسو فيها): بهاد السهولة؟(حرك راسو بلا)ما غاندويش دابا...

سكت ملي بانت ليه اولغا داخلة راسمة على وجهها ملامح الخوف، دخلات و غير شافت اش واقع مشات مباشرة تلاحت على ساجد حاضناه كاتبكي بكاء مصطنع...

اولغا:حبيبي واش تقاسيتي؟

ساجد(حط يديه على خصرها و عينيه على لمياء لي كانت كاترعد):على شوية...

اولغا(هزات فيه عيونها و دموعها سيالة): شنو وقع؟(شافت فالجـ ـثة و قالت بتساؤل مزيف) و شكون هاداك؟

ساجد(مد يديه كي مسح دموعها):ما عرفتش شكون...شي حد صيفطو يمكن...(شاف فلمياء و قال) من زهري الفردي ديما معايا (غمز لمياء) انا وياه ما كانتفارقوش...

اولغا(عقدات غوباشتها و دارت عند لمياء): ما تكون غير هي لي من ورا هادشي...

ساجد(بنبرة باردة): بحال والو...

أولغا( مشات لعندها و جمعات ليها حنكها بصفعة قوية حتى دار وجهها للجنب): القتا لة باغا تقتـ ـلي ليا راجلي؟