ஆசைகள் ஆயிரம்

காதலின் வலி

காதலித்தால்  கவிதை வருமென 
தெரியும் ஆனால் கண்ணீரோடு 
வரும் என தெரியாமல்
போனதேனோ

இன்ப கூட்டுக்குள் இணைத்து
இருந்த நம் கூட்டுக்குள் இன்று
இடி  விழுந்ததேனோ 

காதலின் இனிமையை  மட்டும்
ரசித்த  என்னால் அதன்
தனிமையை  சகிக்க  முடியாமல்
போனதேனோ

உறக்கத்தை  மறந்து காதல்
செய்து இன்று காதலின்றி
உறக்கமின்மை  நீள்கின்றதேனோ 

நிஜமாய்  நாம் கொண்ட காதல்
அனைத்தும்  இன்று கனவு
பெட்டகத்தில்  அடைந்ததேனோ 

சண்டையிடும்  போது இதழ் 
அனைத்து  முற்றுப்புள்ளி
வைத்துவிட்டு  இன்று
சண்டையிட்டு என்னை திட்டகூட
நீ இல்லாமல் போனதேனோ

உன் செல்ல சீண்டலுக்கும் 
கோபத்துக்கும்  இன்று
ஏங்குவதேனோ 

பசுமை பூமியாய் செழித்த 
நம் காதல் இன்று வறண்ட
பூமியாய் மாறியதேனோ 

உன்னோடு விடிந்த  விடியல்
அனைத்தும் இன்று உன்
நினைவுகளில் மட்டும்
விடிவதேனோ 

பரிசு  கொடுக்க பிடிக்காது
என கூறிவிட்டு  பிரிவு
என்னும் காதல் வலியை
பரிசாக  கொடுத்து
சென்றதேனோ   

அளவில்லாமல்  நாம் செய்த
காதல் இன்று அழியாத
நியாபகளை  மாறியதேனோ

மூளை உன்னை மறக்க 
நினைத்தும்  இந்த
பாழாப்போன மனது
வெடித்து   அழுவதேனோ

நீ என்னை பிரிந்தால் நான்
நடைப்பிணம்  தான் என்பதை
நீ மறந்ததேனோ 

நேற்றைய நிஜங்கள்  அனைத்தும்
இன்று பொய்யென்பது உரைக்காமல் போனதேனோ

நம் கட்டிய காதல் கோட்டை  இன்று
நிமிடத்தில்  சரிந்ததேனோ

உடைந்த என் இதயத்தின்  சில்லுகள்  அனைத்திலும்  உன் நினைவுகள் 
மட்டும்  உள்ளத்தேனோ 

இந்த விசித்திரமான  மனது
வேண்டாம் என்று கூறிய உன்னை
மட்டும் நினைத்து இன்று
துடிப்பதேனோ