💕أحبني_مراهق💕
للكاتبة #رباب نجمة#
الجزء 6:
أخيرا وصل الصباح وكل واحد والمخطط ديالو كاين لي باغي يسافر ويبدل الجو وكاين لي باغي يخدم باش يعاون الدار وكاين لي باغي يكلس غي فدارو يتصنط لعظامو ماباغي يصدعو حد.. فحي من الأحياء الراقية الموجودة بمدينة البهجة مراكش كتواجد ڤيلا العمراني.. كانت بطلتنا شمس قالبة البيت ديالها سفاه على علاه أما واحد خونا الماريو حالو كيف حال جميع الماريووات 😅😅 الحوايج كيتسابقوا شكون يوصل للأرض هو اللول.. عرمة ديال الحوايج مكبوبين فالأرض والباقي جاري النزول.. شمس: أيما تعطلت ومالقيت مانلبس پپف.. (رجعات ربعات فوق دوك الحوايج وكتنفخ) أصلا خصني نشري الحوايج مابقا عندي والو.. (قفزات على الصونيط ديال التليفون) شمس: ألو.. أمنية: واسيري الله يعطي لمك الغراق هادي هي نص ساعة زدتي فيه تقول جايين يخطبوك.. شمس: أتي مالكي مهيمجة غابشوية عليك (دورات عينيها فالبيت) راك لقيتني شادة الطريق 2دقايق بالحساب تلقايني عندك.. أمنية: تامانكونش كنعرفك يلاه نوضي تهزي لبسي حوايجك ولحقي علينا الله يعطيك الحبس..طيط طيط.. شمس:تفو على حيوانة😑😑😑 رجعات فاللخر هزات سروال كحل لاسق وبودي قصير مبين السرة ديالها فالبيض قادات شعرها الأسود، دارت نظاراتها دالشمس وتدردبات مع الدروج تا وصلات لطوموبيلتها ركبات وخلات غي العجاج.. كيف ديما وصلات للكافي سلمات على صحابها ولكن تسعقات مني لقات صاحب دعوتها تما.. شافت فيه وتمعنات مزيان ورجعات قلبات كمارتها بلاما تسلم عليه كأنه مكاينش.. وهو كذلك ماعارش الموقف اهتمام كان عارف ردة فعلها من الأول.. أمنية: احم احم هذا خويا فهد بلا شك ديجا تعارفتوا من قبل ياك أشمس أما خلاص الدراري راهم كيعرفوه.. شمس: مكانعرفوش لهلا يطيح علينا شي باطل.. أمنية: ههه زعما ديجا طلاقيتوا مالك أصحبتي (غمزاتها).. شمس: اه اه... فهد: مهم نخليكم أدراري عندي مانقضي.. مراد: أواه دغيا سخيتي بينا.. فهد: بالعكس ولكن خصني نمشي.. مراد: وخا الله يعاونك.. أمنية: بسلامة خويا.. شمس: حتا أنا خصني نمشي.. أمنية: وفين بسلامة.. شمس: غير نتقضى شي أغراض مع ضحى مهم نخليكم.. أمنية: اوك بسلامة.. كان غادي فهد باتجاه الاوطو ديالو حتا وقفاتو شمس.. شمس: احم نت هو خو أمنية، فالصراحة ماستغربتش بزاف.. فهد(ربع يديه) : وعلاش ألالة.. شمس: حيت كتشابهو ولكن تصرفك معايا صدمني فيك.. فهد: شوفي يمكن غلطت معاك ولكن ماتسنايش مني نقوليك سمحيلي.. شمس: اها ياك.. (كانت غاديا حتى جرها ولصقهامعاه) .. فهد (بالهمس) : ماكنتش قاصد (سكت شويا وهو كيشوف فعينيها لي سكروه حتى نطق بلا وعي) سمحيلي.. "أخيرا گالها ".. شمس: احم ماعليهش.. فهد: يعني مابقا بيناتنا تا مشكل.. شمس: لا.. """"":شاااااااااامس.. ضارت شمس على إثر هاد التعييطا لي قفزاتها..
#يتبع..
هاد التفاعل كيبينلي قداش القصة خايبة.. واتفاعلوا شوية البنات.. وعطيوني آراؤكم
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
