💕أحبني_مراهق💕
للكاتبة #رباب نجمة#
الجزء37:
وجدو البنات راسهوم حتا من حليمة ومليكة ومنير ..
إنجي: شفتك نتي مزال ماوجدتي راسك..
مروى: لا أنا مغانمشيش..
إنجي: وعلاش بالسلامة..
مروى: حاسا بشوية دالعيا غانبقا فالدار نتوما غير نشطو مع راسكوم وجيبولي حقي دالحلوة..
مليكة: وخا أبنتي على خاطرك..
أمنية: ومعامن أنا غانشطح أوف..
حليمة: عطي راحة لقاعك ونتي باغا طيري..
أمنية: بزاف عليا أجدة ديما قامعاني..
حليمة: سرك..
منير: يلاه نمشيو إلا وجدتو..
مليكة: وخا يلاه..
"مشاو وخلاو مروى في الدار دخلات دوشات ولبسات تيشورط وشورط قصير..وتخشات فبلاصتها كتفرج..
******
شمس: بعد مني واش تسطيتي..
فهد: علاش كديري معايا هكا ياك أنا راجلك ومن حقي نقيسك..
شمس:نت راجلي غي فالوراق أما أنا كنعتابرك غير خويا الصغير..
فهد: شمس حبيبة عفاك بلا هاد التبرهيش الخاوي..
شمس: وا فهم أنا وياك عمرها غتكون بيناتنا شي حاجة..ودبا بعد مني..
فهد: وخا ألالة على خاطرك..
شمس: أه ونزيدك غي يكمل الشهر نبغيك طلقني..
"شاف فيها باستياء وخرج متاجه لڤيلا ديالهم"..
غير وصل تلاح فالصالة كيفكر فهاد الحالة لي وصلها مكانش متوقع غايبغي شمس كان باغي غي يضحك ويتفلا تا لقا راسو غارق لوذنيه"..
فهد: مستحيل ماشي أنا لي تهيني بنت المرا..
"توجه للمطبخ واخد راحتو فالظلام عارف بلي كلهم غايكونو فالعرس حتا تساطح مع شي حاجة رطبا يلاه كيف دازت الثانية تا سمع حلوقها مطلوق على جهدو شعل ضو بالزربة وبدا يسكتها وهي مخرجا فيه عينيها..
فهد: شششش سكتي هذا غير أنا..
"ماجا فين يكمل هضرتو حتى سخفات في أحضانو وشافها شنو لابسة لباس فاضح ومثير بانت كيوت بالجهد"..
فهد: مروى مروى فيقي حلي عينيك.. مال هادي "بدا كيقلب فيها"..سخونة بزاف..
"طلعها لبيتها ونعسها على ظهرها ونزل بالجرا للكوزينة كيقلب على شي دوا ينزل حرارتها خداه وخدا تا بانيو فيه الما وفوطة طلع عندها وهي مريضة وكتصدر أنين بألم"..
فهد: غاتولي مزيان متخافيش..
مروى(بصوت متقطع وعيان) : فهد اممم كنشم ريحتك.... واش نت كاين معايا دبا ..واش حقيقة..
فهد: أنا معاك غير رتاحي.. "شرب ليها الدوا وبدا كيديرليها الفوطة على راسها ويبدلها كل ما تسخن حتا ولات شويا وهنا نعسات وتاهو داتو عينو.. حتا ضرباتها الفيقة جوايه الفجر حسات بشي حاجة على صدرها هزات راسها ولقاتو ناعس على صدرها وباين فيه التعب عاد استرجعات شنو وقع حاولات تقادو فوق الناموسية ولكن كان ثقيل وسرعان ما حل عينيه وفاق"..
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
