#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 71:
ركبات معاه فالطموبيل وعينيها ماحيداتهمش عليه قريبة تاكلو حتا وصلو للمول..
مصعب: نزلي.. غي تسالي صونيلي نجي عندك..
مريم قاطعاتو باعتراض: لا بغيتك تجي معايا..نت عارفني ماعنديش صحابات.. اصلا دغيا مغاديش نتعطلو..
مصعب(تنهد): اوك
تمشات بفرحة قريبة ليه حتا وصلو لمحل كبير.. بدات كتعزل وتهز..دخلات تقيس وهو بقى كيساين.. حتا خرجات عندو بكسوة مقزبة قريب صدرها يطل منو ويسلم عليه..
قرب عندها معصب وهو كيشوف الرجال لي فالمحال كفاش حاضينها..
مصعب: اش هاد اللباس خارجة بيه واش باغاني نرتاكب فيك شي جريمة..
مريم(شافت فجسمها وعلى شفايفها ابتسامة ساحرة): جاتني زوينة ياك..
مصعب(مسح على وجهو وجرها من ذراعها مقربها ليه): بلاما تجهليني (دفعها بالشوية) وسيري بدلي عليك هاد الشرويطة..
(قربات منو دايرة ابتسامة مغرية حاطة عينيها فعينيه ويديها على صدرو): كون قبلتي نكون حبيبتك كنت غادي نلبس ليك هادشي غير ليك بوحدك..ولكن دوماج..
مصعب(بتاسم بسخرية): مراهقتك صعيبة أمريم..
بعدات منو مقلقة.. غاديا تبدل..
كانوا وصلوا للفيلا..
مصعب: نزلي..
مريم(دون رد)..
مصعب: شنو مزالا كديري هنا..
مريم:بغيت نهضر معاك..
مصعب: دوي..
مريم: مصعب (شدات يديه) ءء أنا كنبغيك وماقادراش نبعد عليك علاش ماباغيش تعطيني فرصة..
مصعب: نفس الموضوع.. (تنهد) مايمكنش أمريم نتي راكي ختي..(بعد يدو) وأنا أصلا(سكت شوية وكمل) مواعد بنت اخرى بالزواج..
مريم: هه كفاش كضحك معايا ياك..
(حطات يديها على وجها كتبكي وتشهق) علاش أمصعب أشنو درتليك من غير أني بغيتك كتعذبني وتهرسني فكل مرة..(قربات شادا فيديه) شنو فيا ماعاجبكش نبدلو.. غير قولي..
مصعب: مريم عفاك فهميني نتي راكي بحال ختي.. نتي صغيرة وزوينة مزال تكبري وتعيشي الحب الحقيقي هادي غي نزوة وغادوز..
مريم(غوتات): كفاش نزوة..كفااش.. نت هو حبي الحقيقي ومستحيل نخلي شي وحدة تعيشو فبلاصتي..نت ديالي.. (خرجات من الاوطو بالجهالة)..
سدات باب الڤيلا وتكات عليه كتبكي..
مريم: ماغانخليك لتا وحدة.. نت ديالي بوحدي..
إيمان(قربات شادا فخدودها): ربيبتي مالك كتبكي ياكما توحشتي فشوش ماماك امم..
(دفعات يديها بالجهد..دوات بصوت عالي وهي مخنزة): بعدي عليا يديك و اخر مرة نلقاك قدامي والا غاتندمي.. (طلعات كتجري)..
إيمان: تفو على مفششة فقاش تجي مك تديك عليا..
#فــ_الكاافي..
مصعب: ماعرفتش شنو غاندير..
هيثم: واليديك مصعبينها عليك ولكن تا هدى بنت الناس.. تقدر مع الوقت تولي تبغيها و....
مصعب(قاطعو): مستحيل هادشي يوقع انا مايمكنش نبغي هدى..
هيثم: غي كتقول اصاحبي..العيالات ماساهلينش غادي دير لي فجهدها باش تخليك متعلق بيها.. راهم خطار اصاحبي..مايقد عليهم غي لي خلقهم..
مصعب: على اساس نت معاشرهم كاملين..
(بعد عينيه ساهي كيفكر فيها تفكر الليلة دالبارح فاش باستو وهو يدق قلبو بشكل هستيري..تنهد بعمق حاير فأمرو)
#يتبع..
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
