#الـفـصـل الثـانـي#
💕أحبني_مراهق💕
#أصـابـنـي_عـشـق#
للكاتبة #رباب نجمة# 🌟
الجزء 60:
دخل فهد للڤيلا لقاها كالسة فوق الكرسي لي كان كيكلس فيه جدها الله يرحمو الحال مظلم مكتافية غي بضو خفيف..
فهد: حبيبة علاش كالسة هنا بوحدك..
شمس(لارد)
فهد(قرب منها ودور وجها لعندو تصدم مني شاف دموعها دايزين ومكترمش): شمس!! علاش كتبكي أشنو واقع..
شمس(دوات بصوت مغموم وشهقاتها كيقاطعو كلامها وهي ساهية فنقطة بعيدة): واش أنا خايبة ها علاش مكيبغيني تا واحد (قابلات عينيها مع عينيه) هممم جاوبني علاش تاواحد مكيعزني باش أديتهم (بتاسمات وهي منهارة) عرفتي علاش ختاريت نكلس فهاد الكرسي(شاف فيها بتساءل)حيت جدي الله يرحمو كان فينما يقلقوه ولادو كيجي لهاد الكرسي ويبات كيسبح ويستغفر الله بابا وعمي وخا كانو خوت ولكن ماكانوش متفاهمين بزاف ديما مدابزين والدقة كيهزها غي جدي وكان الفرق بيناتهم كبير بابا انا كيف كانت كتعاودلي ماما كان حنين وقلبو كبير ولكن عمي كان العكس تماما ههه ومزال كنقولو عمي.. (كملات) ختاريت نكلس هنا ونبكي على الله نرتاح ونطفي العافية لي شاعلة فقلبي..
فهد: ششش تهدني شنو لي خلاك تقولي هكا..
شمس(انهارت): كلشي على عينيك ماخبيت عليك والو ختك لي حسبتها صديقتي وكثر من ختي تقلبات عليا فرمشة عين وعوض ماتوقف معايا وقفات ضدي..سمحليا عارفاها ختك ولكن آذاتني.. (بغا يهضر وقاطعاتو حاطا صبعها على فمو) ششش ماتقاطعنيش عفااك.. أما عمي لي عتابرتو سندي فهاد الدنيا بعد ما بابا فارق الحياة وخلاني يتيمة او وحيدة أشنو ها أشنو دار خرب أي حاجة زوينة عشناها بجوج وبعدني على ختي وحرمني من حنانها.. أما بنتو شنو غانقول آه (غوتات بحسرة) هاديك لي حسستها بأنني ختها وتقدر تعول عليا كنت ليها ونعم الصديقة عارفة بلي القدر خلاها تبغي واحد كان كيبغيني (فهد زير على يدو ولكن حاول يصبر راسو وهو كيتعذب على قبلها) درت براسي هبيلة او واسيتها وقلت ليها لا هو غايبغيك وقفت معاها باش تواجه مشاكلها ولكن أنا شكون غايوقف معايا ويحسسني بلي عندي دور وقيمة شكون أ فهد (قبطات من لافيسط ديالو كتبكي عليه)..
فهد: شمس.. وخا يتخلا عليك العالم كامل كوني يقينة بلي أنا وبنتنا عمرنا نتخلاو عليك وديما غانكونو فجنبك..
شمس(شافت فيه بابتسامة فوسط دموعها): أصلا حبك هو لي مصبرني ومخليني نعيش حب المراهق ديالي هه وبنتي الصغيرة.. كنبغيكم بزاف..
فهد(درعها): وأنا كنحماق عليك (بعدها شوية كيمسح دموعها) يلاه باركة من البكا هاد العوينات الزوينين مايستاهلوش هادو يستاهلو غير يشوفو فيا (بادلاتو الابتسامة فرحانة بوجودو بجنبها)..
شمس: كنبغيك..
فهد: وأنا كنموت فيك..
#يتبع..
البنات لي متبعين القصة شكرا بزاف على وفاءكم
ونتمنى أي وحدة كتقرى وكتهرب تبان هنا حيت كنزيد نتشجع فاش كنشوف التفاعل مهم خليولي رأيكم أزوينات 😍😍
أنت تقرأ
أحبني مراهق A TEENAGER LOVED ME
Romanceبعنوان: أحبني_مراهق 🥀🔥 (كاملة) بقلمي: رباب نجمة☆ 💮محللة من النشر بعد طلب إذني💮 #حـــــصـــــريــــــا على #أســـطـــورات_الـــجُـــمـــان_الأسْـــوَد🖤 #للقصص_بالدارجة🔥 كـــــوكـــــو البنات.. نتمنى تكونوا بخير.. جيت هاد...
